சூர்யா நடித்து முடித்துள்ள 36வது திரைப்படமான 'என்.ஜி.கே' திரைப்படம் வரும் மே 31ஆம் தேதி வெளியாகவுள்ளது. அதேபோல் அவரது 37வது படமான 'காப்பான்' திரைப்படமும் ஆகஸ்ட் 30ஆம் தேதி ரிலீஸ் ஆகும் என்று அதிகாரபூர்வமாக அறிவிக்கப்பட்டுள்ளது என்பது தெரிந்ததே. அதேபோல் சூர்யாவின் 38வது படம் இயக்குனர் சுதா கொங்காரா இயக்கத்தில் விறுவிறுப்பாக வளர்ந்து வருகிறது.

இந்த நிலையில் சூர்யாவின் அடுத்த படமான 'சூர்யா 39' படம் குறித்த முக்கிய அறிவிப்பு இன்று மாலை 5 மணிக்கு வெளியாகவுள்ளது. இந்த தகவலை 'சூர்யா 39' படத்தயாரிப்பு நிறுவனமான ஸ்டுடியோக்ரீன் நிறுவனம் தனது சமூக வலைத்தளத்தில் அறிவித்துள்ளது. நேற்று இந்நிறுவனம் சிம்புவின் 45வது படம் குறித்த அறிவிப்பை வெளியிட்ட நிலையில் இன்று சூர்யா 39 படம் குறித்த அறிவிப்பை வெளியிடவுள்ளது என்பது குறிப்பிடத்தக்கது.

'சூர்யா 39' திரைப்படத்தை இயக்குனர் சிவா இயக்கவிருப்பதாக ஒரு செய்தி கோலிவுட்டில் பரவி வருகிறது. இந்த செய்தி உண்மையா? என்பதை இன்று மாலை ஐந்து மணி வரை பொறுத்திருந்து பார்ப்போம்.