இந்திய திரையுலகில் தற்போது அதிக ஸ்போர்ட்ஸ் திரைப்படங்கள் உருவாகி வருகிறது. தமிழிலும் 'பிகில்' உள்பட ஒருசில ஸ்போர்ட்ஸ் திரைப்படங்கள் உருவாகி வரும் நிலையில் நடிகை டாப்ஸியின் அடுத்த படமும் ஒரு ஸ்போர்ட்ஸ் படம் என அறிவிக்கப்பட்டுள்ளது

ஒரு உண்மைக்கதையின் அடிப்படையில் தயாராகும் தடகள வீராங்கனை குறித்த கதையம்சம் கொண்ட படத்தில் டாப்சி நாயகியாக நடிக்கவுள்ளார். இந்த படத்திற்கு 'ராஷ்மி ராக்கெட்' என்ற டைட்டில் வைக்கப்பட்டுள்ளது. தமிழ்ப்பட இயக்குனர் நந்தா பெரியசாமியின் கதையில் அனிருதா குஹாவின் திரைக்கதையில் உருவாகும் இந்த படத்தை ஆகார்ஷ் குரானா இயக்கவுள்ளார். இந்த படத்தின் அறிமுக வீடியோ ஒன்றை தனது சமூக வலைத்தள பக்கத்தில் வெளியிட்டுள்ள டாப்சி, இந்த படத்தின் படப்பிடிப்பு விரைவில் தொடங்கவுள்ளதாகவும் குறிப்பிட்டுள்ளார்.

டாப்ஸி நடித்த 'மிஷன் மங்கள்' சமீபத்தில் வெளியாகி மிகப்பெரிய ஹிட்டான நிலையில் தற்போது அவர் ஜெயம் ரவியின் அடுத்த படத்தில் நாயகியாக நடிக்கவுள்ளார் என்பது குறிப்பிடத்தக்கது

This ROCKET is set for her next MISSION and she's off to the tracks! Presenting a glimpse of @taapsee in and as #RashmiRocket.@MrAkvarious @RonnieScrewvala @RSVPMovies @iammangopeople #NehaAnand #PranjalKhandhdiya
Music for the motion poster: @LesleLewis pic.twitter.com/5whNWUcuus

— Akshay Kumar (@akshaykumar) August 30, 2019