టాలీవుడ్‌లో ప్ర‌స్తుతం సెన్సేష‌న‌ల్ హీరో అనే క్రేజ్‌ను సొంతం చేసుకున్నాడు విజ‌య్ దేవ‌ర‌కొండ‌. `పెళ్ళిచూపులు`తో హీరోగా తొలి స‌క్సెస్ సాధించిన ఈ యువ హీరో, త‌దుప‌రి చిత్రం `అర్జున్ రెడ్డి `తో స్టార్ హీరో రేంజ్‌కి ఎదిగాడు.అలాగే నెక్ట్స్ మూవీ `గీత గోవిందం`తో రూ.100 క్ల‌బ్‌లో చేరాడు. అదే ఊపులో ఆన్ లైన్‌లో లీకైనప్ప‌టికీ `టాక్సీవాలా`తో మంచి విజ‌యాన్ని ద‌క్కించుకున్నాడు. ఇప్పుడు అంద‌రి కళ్లు విజ‌య్ న‌టిస్తున్న తాజా చిత్రం `డియ‌ర్ కామ్రేడ్‌`పైనే ఉంది.

ఈ సినిమా ట్రైల‌ర్‌ను జూలై 11న 11గంట‌ల 11 నిమిషాల‌కు విడుద‌ల చేయ‌బోతున్నార‌ట‌. అలాగే సినిమా జూలై 26న ప్రేక్ష‌కుల ముందుకు రానుంది. కేవ‌లం తెలుగులోనే కాకుండా త‌మిళ‌, మ‌ల‌యాళ‌, క‌న్న‌డ భాష‌ల్లోనూ సినిమా విడుద‌ల‌వుతుంది. కాబ‌ట్టి విజ‌య్ దేవ‌ర‌కొండ ఈ సినిమాపై భారీ ఆశ‌ల‌నే పెట్టుకున్నాడు. ట్రేడ్ వ‌ర్గాలు కూడా ఈ సినిమా కోసం ఆస‌క్తిగా ఎదురుచూస్తున్నాయి. భ‌ర‌త్ క‌మ్మ ద‌ర్శ‌క‌త్వం వ‌హించిన ఈ చిత్రాన్ని మైత్రీ మూవీ మేక‌ర్స్ నిర్మిస్తుంది.