சியான் விக்ரம் நடித்துவரும் 60வது திரைப்படமான ’சியான் 60’ திரைப்படத்தின் இறுதிகட்ட படப்பிடிப்பு டார்ஜிலிங்கில் நடைபெற்றது என்பதும் இந்த படப்பிடிப்பில் விக்ரம், துருவ் விக்ரம் உள்பட பலர் கலந்து கொண்டனர் என்பதும் தெரிந்ததே. கார்த்திக் சுப்புராஜ் இயக்கி வரும் இந்த படத்தின் இறுதிகட்ட படப்பிடிப்பு தற்போது முடிவுக்கு வந்துள்ளதாகவும், இதனையடுத்து படக்குழுவினர் அனைவரும் சென்னை திரும்பி விட்டதாகவும் கூறப்படுகிறது.

இந்த நிலையில் ’சியான் 60’ படத்தின் படப்பிடிப்பை முடித்துவிட்ட நடிகர் விக்ரம் அங்கிருந்து அப்படியே கொல்கத்தா சென்றுள்ளார். அங்கு அவர் நடித்துக்கொண்டிருக்கும் இன்னொரு படமான ‘கோப்ரா’ படத்தின் படப்பிடிப்பில் கலந்து கொண்டதாக தகவல்கள் வெளிவந்துள்ளன.

‘கோப்ரா’ படத்தின் அடுத்தகட்ட படப்பிடிப்பு கொல்கத்தாவில் தொடங்கி விட்டதாக அந்த படத்தின் இயக்குனர் அஜய் ஞானமுத்து தனது இன்ஸ்டாகிராம் ஸ்டோரியில் குறிப்பிட்டுள்ளார் என்பதும் படக்குழுவினர்களுடன் கொல்கத்தாவில் அவர் எடுத்துக்கொண்ட புகைப்படம் வைரலாகி வருகிறது என்பதும் குறிப்பிடத்தக்கது.

விக்ரம் ஜோடியாக ஸ்ரீநிதி ஷெட்டி நடித்திருக்கும் இந்தப் படத்தில் பிரபல கிரிக்கெட் வீரர் இர்பான் பதான், கேஎஸ் ரவிக்குமார் உள்பட பலர் நடித்துள்ளனர். இசைப்புயல் ஏஆர் ரஹ்மான் இசையில் உருவாகிவரும் இந்த படத்தை செவன் ஸ்கிரீன் ஸ்டூடியோஸ் நிறுவனத்தின் லலித்குமார் தயாரித்து வருகிறார் என்பதும் இந்தப் படத்தின் பட்ஜெட் சுமார் 150 கோடி என்பதும் குறிப்பிடத்தக்கது. கொல்கத்தாவில் நடைபெறும் படப்பிடிப்பு முடிந்தவுடன் போஸ்ட் புரொடக்ஷன் பணிகள் தொடங்கும் என்று எதிர்பார்க்கப்படுகிறது.

That's Wrap #Chiyaan60 ??https://t.co/VVjd7jSl9o#ChiyaanVikram #DhruvVikram @karthiksubbaraj @Music_Santhosh @7screenstudio @Lalit_SevenScr pic.twitter.com/vnOpBuCo6c

— #Chiyaan60 (@Chiyaan60Film) August 7, 2021