అనుష్క ప్రేమించింది అతన్నే!
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
తను ప్రేమించిన వ్యక్తి గురించి స్వీటీ అనుష్క బాహాటంగానే చెప్పింది. ఒకానొక సమయంలో ఆమె అతని ప్రేమలో పీకల్లోతు కూరుకుపోయిన విషయాన్ని కూడా ప్రస్తావించింది. ఇటీవల 'భాగమతి' ఫస్ట్ లుక్తో అలరించిన స్వీటీ తన ప్రేమాయణాన్ని గురించి చాలా స్పష్టంగా చెప్పింది.
"అతనంటే నాకు చాలా ఇష్టం. ఒకానొక సమయంలో అతనితో పీకల్లోతు ప్రేమలో పడ్డాను. ఇంకా కూడా అతనిపై నా ఇష్టం కొనసాగుతోంది. అతను మరెవరో కాదు.. రాహుల్ ద్రవిడ్. నా చిన్నతనం నుంచి అతనంటే పిచ్చి. కేవలం అతని కోసమే క్రికెట్ చూసేదాన్ని" అని తన మనసులోని మాటలను వ్యక్తం చేసింది.
క్రికెట్ అంటే సినిమా తారలకు అభిమానం ఇప్పటిది కాదు. అయితే అనుష్క మాత్రం ఇలా తన మనసులోని మాటలను, తన అభిమాన క్రికెట్ వీరుడిని, అతనిపై ప్రేమను వ్యక్తం చేయడం ఇదే తొలిసారి. క్రికెటర్ విషయం సరే.. నిజ జీవితంలో చేసుకోబోయే వ్యక్తి గురించి ఎప్పుడు చెబుతుందా అని వేయి కళ్లతో ఎదురుచూస్తున్నాం అంటూ సోషల్ మీడియాలో అనుష్కను ఉద్దేశించి పలువురు కామెంట్లు చేస్తున్నారు.
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్సైట్ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.