క‌రోనా ప్ర‌భావంతో ఇబ్బందులు ఎదుర్కొంటున్న రంగాల్లో సినీ రంగం ముందు వ‌రుస‌లో ఉంది. ఈ రంగాన్ని గాడిలో పెట్ట‌డానికి సినీ పెద్ద‌లు ముమ్మ‌ర ప్ర‌య‌త్నాలు చేస్తున్నారు. చిరంజీవి, నాగార్జున‌, సురేశ్‌బాబు, అల్లు అర‌వింద్ స‌హా ఇతరులు అంద‌రూ ప్ర‌భుత్వ పెద్ద‌ల‌ను క‌లుసుకుని సినిమా షూటింగ్స్‌కు అనుమ‌తుల‌ను కోరుతున్నారు. అలాగే థియేట‌ర్స్ గురించి త్వ‌ర‌గానే నిర్ణ‌యం తీసుకోమ‌ని కోరుతున్నారు. ఇప్ప‌టికే తెలంగాణ ముఖ్య‌మంత్రి కేసీఆర్‌, కేంద్ర మంత్రి కిష‌న్ రెడ్డిల‌తో సినీ పెద్ద‌లు బేటీ అయ్యారు.
త్వ‌ర‌లోనే ఆంధ్ర‌ప్ర‌దేశ్ ముఖ్య‌మంత్రి వై.ఎస్‌.జ‌గ‌న్‌ను కూడా చిరంజీవి స‌హా ఇత‌ర పెద్ద‌లు క‌లుసుకోబోతున్నారు.

ఈ విష‌యాన్ని స్వ‌యంగా చిరంజీవి త‌న ట్విట్టర్ ద్వారా తెలిపారు. ‘‘ ఆంధ్రప్రదేశ్ ముఖ్యమంత్రి శ్రీ వై.ఎస్.జగన్గారు సినీ పరిశ్రమకి మేలు కలిగే నిర్ణయాలతో పాటు సింగల్ విండో అనుమతుల జీవో విడుదల చేసినందుకు పరిశ్రమ తరుపున వారికి కృతజ్ఞతలు ఫోన్ ద్వారా తెలియచేసాను. లాక్డౌన్ ముగిసిన తరువాత పరిశ్రమ సమస్యలపై చర్చించేందుకు కలుద్దామని చెప్పారు. అన్ని విభాగాల నుంచి ప్రతినిధులతో త్వరలోనే వారిని కలవటం జరుగుతుంది’’ అంటూ ట్వీట్ చేశారు మెగాస్టార్ చిరంజీవి.