கார்த்தி நடிப்பில் லோகேஷ் கனகராஜ் இயக்கத்தில் கடந்த 2019ஆம் ஆண்டு வெளியான ’கைதி’ திரைப்படம் மிகப் பெரிய வெற்றி பெற்றது என்பதும் அந்த படத்தின் இறுதியில் அடுத்த பாகம் உருவாகும் வகையில் காட்சிகள் அமைக்கப்பட்டு இருந்தது என்பதும் தெரிந்ததே.

இந்த நிலையில் தற்போது கமல்ஹாசன் தயாரித்து நடித்து வரும் ‘விக்ரம்’ என்ற படத்தை இயக்கி வரும் இயக்குனர் லோகேஷ் கனகராஜ், ‘கைதி 2’ படத்திற்கான திரைக்கதை அமைக்கும் பணியை முடித்து விட்டதாகவும், ‘விக்ரம்’ படத்தை முடித்தவுடன் அவர் ‘கைதி 2’ படத்தின் படப்பிடிப்பை தொடங்குவார் என்று கூறப்படுகிறது.

’கைதி’ படத்தில் நடித்த கார்த்தி, நரேன், உள்ளிட்டவர்கள் ’கைதி 2’ படத்திலும் நடிப்பார்கள் என்று எதிர்பார்க்கப்படுகிறது. ட்ரீம் வாரியர் பிக்சர்ஸ் இந்த படத்தை தயாரிக்கவுள்ளது என்பதும், இந்த படம் அடுத்த ஆண்டு மத்தியில் தொடங்கப்படும் எனவும் எதிர்பார்க்கப்படுகிறது.

மேலும் ’கைதி 2’ படத்தை முடித்தவுடன் தளபதி விஜய் நடிக்கவிருக்கும் அடுத்த திரைப்படத்தை லோகேஷ் கனகராஜ் இயக்குவார் என்று கூறப்படுகிறது.