விக்ரம் நடித்த ’மஹான்’ திரைப்படம் சமீபத்தில் ஓடிடியில் ரிலீஸ் ஆனது என்பதும் இந்த படத்திற்கு பாசிட்டிவ் விமர்சனங்கள் குவிந்து வருகிறது என்பதும் இந்த படத்தின் வெற்றியால் படக்குழுவினர் மிகுந்த மகிழ்ச்சியுடன் உள்ளனர் என்பது குறிப்பிடத்தக்கது. மேலும் சூப்பர் ஸ்டார் ரஜினிகாந்த், தளபதி விஜய் உள்பட பல பிரபலங்கள் இந்த படத்தை பார்த்து பாராட்டியது படக்குழுவினர்களுக்கு மிகவும் மகிழ்ச்சியை தந்துள்ளது என்பது குறிபிடத்தக்கது .

இந்த நிலையில் இந்த படத்தின் படப்பிடிப்பு நடைபெறும் போது வாணிபோஜன் இந்த படத்தில் முக்கிய கேரக்டரில் நடிப்பதாகவும், விக்ரமுடன் வாணிபோஜன் இருக்கும் புகைப்படங்களும் வைரல் ஆனது என்பதும் தெரிந்ததே. ஆனால் படம் ரிலீஸ் ஆன பிறகு வாணிபோஜன் காட்சி இல்லாதது ரசிகர்களுக்கு பெரும் ஏமாற்றத்தை அளித்தது.

இந்த நிலையில் இதுகுறித்து கார்த்திக் சுப்பராஜ் விளக்கமளித்தபோது, ‘சிம்ரனை விக்ரம் பிரிந்த பின்னர் வாணிபோஜனுடன் அவருக்கு காதல் ஏற்பட்டது என்றும் இது குறித்த காட்சிகள்படமாக்கப்பட்ட நிலையில் கொரோனா வைரஸ் இரண்டாவது அலை காரணமாக பல காட்சிகள் படமாக்க முடியவில்லை என்றும் குறிப்பாக கூட்டம் அதிகமாக உள்ள காட்சிகளை படமாக்க முடியவில்லை என்பதால் வாணிபோஜன் கேரக்டர் படத்திலிருந்து தூக்கப்பட்டுவிட்டதாகவும் கார்த்திக் சுப்புராஜ் கூறியுள்ளார்.