సూపర్‌ స్టార్ మహేశ్ బాబు, పూజాహెగ్దే నటీనటులుగా వంశీ పైడిపల్లి తెరకెక్కించిన చిత్రం 'మహర్షి'. మే-09న థియేటర్లలోకి వచ్చిన 'మహర్షి'.. బాక్సాఫీస్‌ను షేక్ చేస్తూ.. కలెక్షన్ కింగ్‌లా మారి రికార్డులన్నీ బద్దలు కొడుతున్నాడు! ముందుగా ప్రీ-రిలీజ్ ఈవెంట్‌లో చెప్పినట్లుగా సక్సెస్ మీట్ పెట్టి మరీ.. అభిమానులతోనే కాదు.. తాను కూడా కాలర్ ఎగరేశాడు మహేశ్.. దీంతో అసలు మహేశ్ ఏంటి..? ఏ సినిమాకూ ఇలా చేయలేదే..? అసలేముందబ్బా ఈ సినిమాలో అంతగా అంటూ ఆయన నాన్ ఫ్యాన్స్, సినీ ప్రియులు సైతం థియేటర్లకు క్యూ కట్టారు. దీంతో మరింత కలెక్షన్లు పెరిగాయి. ఇప్పటికే వందకోట్ల క్లబ్‌లోకి చేరిపోయింది కూడా.

ఇక అసలు విషయానికోస్తే.. ఈ సినిమాలో త్వరలో మరికొన్ని కొత్త సీన్స్ యాడ్ చేయాలని చిత్రబృందం భావిస్తున్నట్లు తెలుస్తోంది. సినిమా రన్నింగ్ మొత్తం అంతా మూడు గంటలు కావడంతో కొన్ని కొన్ని సీన్లు చాలా బాగున్నప్పటికీ.. అభిమానులు మెచ్చుకుంటారని కాన్ఫిడెన్స్ ఉన్నప్పటీకీ తీసేయాల్సి వచ్చిందట. అందుకే లెన్త్ ఎక్కువైనా ఫర్లేదు కానీ కచ్చితంగా యాడ్ చేసేద్దామని చిత్ర యూనిట్ యోచిస్తోందట. ఈ విషయం తెలుసుకున్న ఫ్యాన్స్ ఆనందంలో మునిగి తేలుతున్నారట. 

అంతేకాదు.. ఈ సీన్స్ మహేశ్‌కు తెగనచ్చేశాయట. అందుకే ఇక ఏ మాత్రం ఆలస్యం చేయకుండా.. మొత్తం రెండు సీన్స్‌ జోడిస్తున్నారట. దీంతో ఇప్పుడు 3:00 గంటలు కాస్త 3:10 కానుందట. కాస్త లెన్త్ ఎక్కువయినా ఫర్లేదు.. కానీ రెండవ వారంలో సీన్స్ జోడించాలనే చిత్రబృందం ఫిక్స్ అయిపోయిందట. సో.. ఇప్పటికే చాలా లెన్తీగా సినిమా ఉందని విమర్శలు వెల్లువెత్తుతున్నాయి.. అయితే ఈ సీన్స్‌ సినిమాకు ప్లస్ అవుతాయో.. మైనస్ అవుతాయో..? అసలు ఈ సీన్లు జోడించే వ్యవహారం ఎంత వరకు నిజమో..? అనేది తెలియాలంటే కొద్దిరోజులు ఆగాల్సిందే మరి.