యంగ్ రెబల్ స్టార్ ప్రభాస్, పూజా హెగ్డే జంటగా నటిస్తున్న చిత్రం ‘రాధేశ్యామ్’. రేపు ప్రభాస్ సర్‌ప్రైజ్ రాబోతోందని షూటింట్ స్పాట్ నుంచి నిన్న పూజా హెగ్డే ఓ వీడియోను విడుదల చేసిన విషయం తెలిసిందే. దీంతో అప్పటి నుంచి ప్రభాస్ అభిమానులు చాలా ఆసక్తిగా ఆ సర్‌ప్రైజ్ కోసం ఎదురు చూస్తున్నారు. బుధవారం అభిమానులు ఎదురు చూస్తున్న సర్‌ప్రైజ్ రానే వచ్చింది. అక్టోబర్ 23న ప్రభాస్ పుట్టినరోజును పురస్కరించుకుని చిత్రబృందం ‘రాధేశ్యామ్’ నుంచి ప్రభాస్ లుక్‌ను విడుదల చేశారు. ఈ చిత్రంలో ప్రభాస్ విక్రమాదిత్య అనే పాత్రలో కనిపించనున్నట్టు పోస్టర్ ద్వారా చిత్రబృందం వెల్లడించింది. గ్రీన్ కలర్ కారుపై ప్రభాస్ కూర్చొన్నట్టుగా ఈ పోస్టర్‌ను చిత్రబృందం డిజైన్ చేసింది.

వింటేజ్ ప్రేమకథగా ‘రాధేశ్యామ్’ తెరకెక్కుతోంది. ప్రేరణ పాత్రలో పూజా నటిస్తోంది. ఇవాళ ప్రభాస్ క్యారెక్టర్ పేరు కూడా రివీల్ అయిపోయింది. ప్రస్తుతం ఈ చిత్రం ఇటలీలో షూటింగ్ జరుపుకుంటోంది. గోపీకృష్ణ మూవీస్, యూవీ క్రియేషన్స్ సంస్థలు ఈ చిత్రాన్ని సంయుక్తంగా నిర్మిస్తున్నాయి. ఈ సినిమాకు జస్టిస్ ప్రభాకరన్ సంగీతం అందిస్తున్నారు. భాగ్యశ్రీ, సత్యరాజ్, జగపతిబాబు, జయరాం ఈ చిత్రంలో కీలక పాత్రలు పోషిస్తున్నారు. ఈ సినిమా తెలుగుతో పాటు హిందీ, మలయాళం, తమిళం, కన్నడ బాషల్లో రూపొందుతోంది. నెలాఖరుకు ఇటలీ షెడ్యూల్‌ను పూర్తి చేసుకుని చిత్రబృందం హైదరాబాద్‌కు తిరిగి రానుంది.