సౌత్ ఇండియాలో స్టార్ హీరోల కాంబినేష‌న్‌లో స్టార్ డైరెక్ట‌ర్ శంక‌ర్ ఓ భారీ మ‌ల్టీస్టార‌ర్ మూవీ ప్లాన్ చేస్తున్నాడు. ఇప్పుడు ఈ మ‌ల్టీస్టార‌ర్‌కు సంబంధించిన చ‌ర్చ‌లు జ‌రుగుతున్నాయ‌ట‌. మ‌రి ఈ సినిమాను ఎవ‌రు నిర్మిస్తారో తెలియ‌డం లేదు కానీ.. సినిమా మాత్రం ట్రాక్ ఎక్క‌డం ప‌క్కాగా అని అంటున్నాయి ఇండ‌స్ట్రీ వ‌ర్గాలు.ఈ భారీ మ‌ల్టీస్టార‌ర్‌లో న‌టించ‌బోయే స్టార్ హీరోలు ఎవ‌రో కాదు.. టాలీవుడ్ మెగా ప‌వ‌ర్‌స్టార్ రామ్‌చ‌ర‌ణ్‌, క‌న్న‌డ రాకింగ్ స్టార్ య‌ష్‌, మ‌క్క‌ల్ సెల్వ‌న్ విజ‌య్ సేతుప‌తి. ఈ ముగ్గురితో క‌లిసి భారీ మ‌ల్టీస్టార‌ర్‌ను తెర‌కెక్కిచ‌నున్న డైరెక్ట‌ర్ ఎవ‌రో కాదు.. కోలీవుడ్ స్టార్ డైరెక్ట‌ర్ శంక‌ర్‌.

ప్ర‌స్తుతం శంక‌ర్ ద‌ర్శ‌క‌త్వంలో ఈ మ‌ల్టీస్టార‌ర్ రూపొందుతుంద‌ని వార్త‌లు వినిపిస్తున నేప‌థ్యంలో ఇండియ‌న్ 2 గురించి అంద‌రిలో మ‌రోసారి అనుమానాలు రేకెత్తుతున్నాయి. ఇండియ‌న్ 2 సినిమా రీస్టార్ట్ అవుతుందో లేదో అనే వార్త‌లు వినిపిస్తున్నాయి. త్వ‌ర‌లోనే ఇండియ‌న్ 2 తిరిగి సెట్స్‌పైకి వెళుతుంద‌ని అనుకుంటున్న త‌రుణంలో శంక‌ర్ మ‌రో భారీ సినిమాను తెర‌కెక్కిస్తాడ‌నే వార్త‌లు గుప్పుమంటున్నాయి. మ‌రి ఈ వార్త‌ల‌పై అటు శంక‌ర్ కానీ.. ఇండియ‌న్ 2ను నిర్మిస్తోన్న లైకా ప్రొడ‌క్ష‌న్స్ ప్ర‌తినిధులు కానీ స్పందిస్తారేమో చూడాలి.