close
Choose your channels

బాలయ్య టాక్ షోలో పాల్గొనాలని వుంది... వర్మ ట్వీట్ , అంతలోనే డిలీట్

Wednesday, January 19, 2022 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

బాలయ్య టాక్ షోలో పాల్గొనాలని వుంది... వర్మ ట్వీట్ , అంతలోనే డిలీట్

సినిమాలు, రాజకీయాలు, బసవ తారకం క్యాన్సర్ ఆసుపత్రి వ్యవహారాలతో క్షణం తీరిక లేకుండా వుండే బాలయ్య.. గతేడాది కొత్త అవతారం ఎత్తారు. తెలుగు ఓటీటీ ‘‘ఆహా’’లో అన్‌స్టాపబుల్ విత్ ఎన్‌బీకే పేరిట టాక్ షో చేస్తున్నారు. ఈ షోకు మంచి ప్రేక్షకుల నుంచి మంచి రెస్పాన్స్ వస్తోంది. తన నటనతో ప్రేక్షకులను ఆకట్టుకునే బాలయ్య తొలిసారి యాంకర్‌గా మారి తోటి తారలను ఇంటర్వ్యూ చేసే విధానం ప్రజలను ఆకట్టుకుంటోంది. తొలి సీజన్‌లో భాగంగా మొత్తం 10 ఎపిసోడ్‌లు ముగిశాయి. ఇదిలా ఉంటే బాలయ్య అన్‌స్టాపబుల్‌ టాక్‌షో అరుదైన ఘనతను సాధించింది. IMDBలోని టాప్ 10 రియాలిటీ టీవీ షోల జాబితాలో స్థానం దక్కించుకుంది. ఒక తెలుగు టాక్‌ షోకి ఇలాంటి గౌరవం లభించడం ఇదే తొలిసారి.

బాలయ్య టాక్ షోలో పాల్గొనాలని వుంది... వర్మ ట్వీట్ , అంతలోనే డిలీట్

ఈ నేపథ్యంలో మరింత మంది స్టార్స్‌ను బాలయ్య ఇంటర్వ్యూ చేస్తే చూడాలని ప్రేక్షకులు కామెంట్స్ చేస్తున్నారు. ఈ నేపథ్యంలోనే క్రియేటివ్ డైరెక్టర్ రామ్‌గోపాల్ వర్మ సైతం తన మనసులోని కోరికను బయటపెట్టారు. బాలయ్య హోస్ట్ చేసే ఈ షో అంటే తనకు చాలా ఇష్టమని.. తనకు ఇందులో పాల్గొనాలనుందంటూ ట్విట్టర్ ద్వారా వర్మ కోరారు. దీంతో ఈ ట్వీట్ క్షణాల్లో వైరల్ అయింది. కానీ ఏమైందో ఏమో కానీ వెంటనే తన ట్వీట్ ను డిలీట్ చేశారు ఆర్జీవీ.

బాలయ్య టాక్ షోలో పాల్గొనాలని వుంది... వర్మ ట్వీట్ , అంతలోనే డిలీట్

నిజానికి 90వ దశకంలో వర్మ స్టార్‌డమ్ వెలిగిపోతోన్న సమయంలో ఆయనతో సినిమాలు చేయాలని సౌత్ నుంచి నార్త్ వరకు స్టార్ హీరోలు కలలు కనేవారు. అలాగే బాలకృష్ణ కూడా వర్మతో సినిమా చేస్తాడని అప్పట్లో ప్రచారం జరిగింది. కానీ ఆ దిశగా ఎలాంటి ప్రయత్నాలు జరగలేదు. నాలుగేళ్ల క్రితం ముంబైలో సర్కార్ 3 షూటింగ్‌లో వుండగా... వర్మను బాలయ్య కలవడంతో ఇద్దరి కాంబినేషన్‌పై మళ్లీ ఊహాగానాలు వినిపించాయి. కానీ అది కూడా ఒట్టిదే అని తేలిపోయింది.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.   

Comments

Login to post comment
Cancel
Comment