మాస్ మహారాజా రవితేజ మూడు భిన్నమైన పాత్రల్లో నటిస్తున్న చిత్రం ‘అమర్ అక్బర్ ఆంటోనీ’. మాస్ డైరెక్టర్ శ్రీను వైట్ల దర్శకత్వం వహిస్తున్నారు. అను ఇమ్మాన్యుయేల్ కథానాయికగా నటిస్తోంది. మైత్రీ మూవీ మేకర్స్ నిర్మిస్తున్న ఈ సినిమాకి తమన్ స్వరాలను సమకూరుస్తున్నారు. పూర్తిగా అమెరికా నేపథ్యంలో సాగే కథగా ఈ చిత్రం రూపుదిద్దుకోబోతోంది. ఇప్పటికే న్యూయార్క్‌లో చిత్రీకరణని కూడా ప్రారంభించారు.

ప్రస్తుతం ఇంటర్నేషనల్ పాప్ సింగర్ జెన్నిఫర్ లోపెజ్‌కు చెందిన ఒక భవంతిలో షూటింగ్ జరుగుతోంద‌ని స‌మాచారం. చిత్రానికి సంబంధించి కొన్ని హిలేరియస్ సన్నివేశాలను ఈ భవనంలో చిత్రీకరిస్తున్నారు. ఈ నెల మూడో వారం నుంచి రవితేజ, అను ఇమ్మాన్యుయేల్ కూడా  ఈ  సినిమా షూటింగ్‌లో పాల్గొనే అవకాశం ఉన్నట్టు చిత్ర బృందం చెబుతోంది. గత కొంత కాలంగా విజయాలకు దూరమైన దర్శకుడు శ్రీను వైట్ల.. ఈ చిత్రంతో మళ్ళీ విజయాల బాట పడతానన్న‌ ఆశాభావంతో ఉన్నారు.