బాటిళ్ల‌లో నీళ్లు పోసుకోవ‌డం, వాటిని కాళ్ల‌తో త‌న్న‌డం... స్టైల్‌గా కాళ్ల‌తో త‌న్నిన త‌న్నుకు ఆ మూత ఓపెన్ కావ‌డం.. ఆ వీడియో అప్‌లోడ్ చేయ‌డం, ఇప్పుడు ఇదీ ట్రెండ్‌. వీడియోలో చూడ్డానికి బాగానే ఉంటుంది కానీ, ఆ వీడియో అంత ప‌ర్ఫెక్ట్ గా రావ‌డానికి ఎన్ని బాటిళ్ల నీళ్లు వృథా పోతాయో ఎవ‌రైనా ఆలోచించారా? స‌ల్లూభాయ్ ఆలోచించారు.

బాలీవుడ్ స‌ల్మాన్‌ఖాన్ ఈ వీడియో కొత్త‌గా చేశారు. చాలెంజ్‌లో పాల్గొన్న‌ప్ప‌టికీ చుక్క నీరు వృథా కాకుండా బాటిల్ మూత‌ను ఓపెన్ చేశారు. ఇంత‌కీ స‌ల్మాన్ ఎలా ఓపెన్ చేశారు? నోటి నిండా గాలి తీసుకుని బాగా ఊది, మూత‌ను తెరిచారు. నీళ్లు తాగారు. `సేవ్ వాట‌ర్‌` అని నీటి విలువ‌ను కూడా చెప్ప‌క‌నే చెప్పారు. అద‌న్న‌మాట సంగ‌తి. ట్రెండ్‌లో ఉన్న‌ట్టుండాలి.. ట్రెండ్‌ను సృష్టించేట‌ట్టు ఉండాలి. ద‌బాంగ్ హీరోనా.. మ‌జాకా మ‌రి.

Don’t thakao paani bachao pic.twitter.com/PjfdGxdTJg

— Salman Khan (@BeingSalmanKhan) July 14, 2019