ప్రేమికుల‌కు యువ సంగీత ద‌ర్శ‌కుడు థ‌మ‌న్ ఓ మంచి గిఫ్ట్ ఇవ్వ‌బోతున్నాడంట‌. అయితే.. ఒక సంగీత ద‌ర్శ‌కుడిగా థ‌మ‌న్ నుంచి ఎవ‌రైనా ఎలాంటి కానుక‌ని ఆశిస్తారో.. అలాంటి గిఫ్ట్‌నే త‌ను ఇవ్వ‌బోతున్నాడు. కాస్త వివ‌రాల్లోకి వెళితే.. ప్ర‌స్తుతం థ‌మ‌న్ ఓ ప్రేమ‌క‌థా చిత్రానికి సంగీతమందిస్తున్నాడు. ఇందులో ఫిదా తో తొలి హిట్ కొట్టిన వ‌రుణ్ తేజ్ క‌థానాయ‌కుడిగా న‌టిస్తుండ‌గా.. ఇటీవ‌లే జై ల‌వ కుశ‌తో సంద‌డి చేసిన రాశి ఖ‌న్నా హీరోయిన్‌గా న‌టిస్తోంది.

నూత‌న ద‌ర్శ‌కుడు వెంకీ అట్లూరి రూపొందిస్తున్న ఈ చిత్రాన్ని ప్ర‌ముఖ నిర్మాత బి.వి.ఎస్‌.ఎన్‌. ప్ర‌సాద్ నిర్మిస్తున్నారు. 40 రోజుల పాటు లండ‌న్‌లో భారీ షెడ్యూల్ జ‌రుపుకున్న ఈ చిత్రం ఇటీవ‌లే ఇండియాకొచ్చేసింది. ఇదిలా ఉంటే.. ప‌ర్‌ఫెక్ట్‌గా తెర‌కెక్కిన ఈ సినిమా కోసం ప‌ర్‌ఫెక్ట్ ఆల్బ‌మ్ త‌యారైంద‌ని.. ప్రేమికుల కానుక‌గా రానున్న ఈ సినిమాలోని పాట‌లు ల‌వ‌ర్స్‌ని ఉర్రూత‌లూగిస్తాయ‌ని థ‌మ‌న్ ఊరిస్తున్నాడు. అంటే.. థ‌మ‌న్ నుంచి ఓ మంచి ల‌వ్ ఆల్బ‌మ్‌ని ఎక్స్‌పెక్ట్ చేయ‌వ‌చ్చ‌న్న‌మాట‌. ఫిబ్ర‌వ‌రి 9న ఈ సినిమా విడుద‌ల కానుంది. తొలిప్రేమ అనే టైటిల్ ఈ సినిమాకి ప‌రిశీల‌న‌లో ఉంది.