தமிழ் திரையுலகின் முன்னணி காமெடி நடிகர்களில் ஒருவரான யோகிபாபு காமெடி கேரக்டர்களில் மட்டுமின்றி தற்போது 'தர்மபிரபு' உள்ளிட்ட ஒருசில படங்களில் முக்கிய வேடத்திலும் நடித்து வருகிறார். யோகிபாபு எமதர்மன் வேடத்டில் நடித்துள்ள இந்த படம் விரைவில் வெளிவரவுள்ள நிலையில் தான் நடிக்க விரும்பும் கனவு கேரக்டர் குறித்து பேட்டி ஒன்றில் கூறியுள்ளார்.

'ஒண்ணா இருக்க கத்துக்கணும்' படத்தில் கவுண்டமணி நடித்த கேரக்டர் போல் ஒரு கேரக்டரில் தான் நடிக்கவிரும்புவதாகவும், அதுதான் தனது கனவு ரோல் என்றும், அதுபோன்ற ஒரு கேரக்டர் கிடைத்தால் எனக்கு மகிழ்ச்சியாக இருக்கும் என்றும் யோகிபாபு கூறியுள்ளார்.

'ஒண்ணா இருக்க கத்துக்கணும்' படத்தில் கவுண்டமணி சுடுகாட்டில் வேலை செய்யும் வெட்டியான் கேரக்டரில் நடித்திருப்பார் என்பதும், அந்த படத்தின் வெற்றிக்கு கவுண்டமணியின் காமெடி மிகப்பெரிய அளவில் உதவியது என்பதும் குறிப்பிடத்தக்கது.