மிரட்டியதும், மிரண்டுபோனது ஒரே ஜோடி கண்களா? என ஆச்சரியத்துடன் நடிகர் நாசர் பழம்பெரும் நடிகைக்கு கடிதம் எழுதியுள்ளார்.

பழம்பெரும் நடிகை சவுகார் ஜானகி அவர்களுக்கு சமீபத்தில் பத்மஸ்ரீ விருது அறிவிக்கப்பட்டது என்பதும் இதனை அடுத்து திரையுலகினர் அவருக்கு வாழ்த்துக்களை தெரிவித்து வருகின்றனர் என்பது குறிப்பிடத்தக்கது. இந்த நிலையில் முன்னாள் நடிகர் சங்கத் தலைவரும் பிரபல நடிகருமான நாசர், சவுகார்ஜானகிக்கு வாழ்த்து தெரிவித்து கடிதம் எழுதியுள்ளார். அந்த கடிதத்தில் அவர் கூறியிருப்பதாவது:

‘ ஓ எங்கள் சவுக்கார் அம்மா!
அத்தனை மொழிகளில் எத்தனை நூறு
படங்கள்
ஒவ்வொன்றும் முத்தாய்!
ஒன்றில் கண்டது இன்னொன்றில்
இல்லை!
புதிது புதிதாய் கண்டு ரசிக்க கண்கோடி!
யாருக்கும் அமைந்ததில்லை உங்கள்
கண்கள்!
புதிய பறவையில் மிரட்டியதும்
மிரண்டு போனதும் ஒரு ஜோடி கண்களா?
கண்களை மிஞ்சும் உங்கள் முத்து சிரிப்பு
அச்சிரிப்பினும் வழிந்தோடும் உண்மையான
அன்பும் பாசமும்
தாங்கள் எங்களுக்கு தந்த
கதாபாத்திரங்கள் ஒவ்வொன்றையும்
முத்து முத்தாய் கோர்த்து அழகு பார்த்து
மனம் மகிழ்ந்து விம்மிய எங்களுக்கு
அம்முத்துமாலைக்கு பதக்கமாய்
இன்று பத்மஸ்ரீ உங்களுக்கு உவகை
எங்களுக்கு பெருமை

குறிப்பாக நாசர் இந்த கடிதத்தில் குறிப்பிட்டுள்ள மிரண்டுபோனதும் மிரட்டியதும் ஒரே ஜோடி கண்கள் என தெரிவித்துள்ளார். சிவாஜிகணேசன் சரோஜாதேவி நடித்த ’புதிய பறவை’ படத்தில் இரண்டு வித்தியாசமான கேரக்டர்களில் சவுகார்ஜானகி நடித்திருப்பார் என்பதும் அதில் அப்பாவியாய் மிரண்டு போகும் ஒரு கேரக்டர், அதிரடியாக சிவாஜியையே மிரட்டும் ஒரு கேரக்டர் என நடித்திருந்த சவுகார் ஜானகி, அந்த படத்தில் அவரது கண்கள் தான் அதிகம் நடித்திருக்கும் என்பது படம் பார்த்தவர்களுக்கு தெரியும். இதை சுட்டிக் காட்டியே மிரட்டியதும் மிரண்டுபோனதும் ஒரு ஜோடி கண்களா? என நாசர் தனது கடிதத்தில் குறிப்பிட்டு உள்ளார்.

பத்மஶ்ரீ விருது பெற்ற நடிகை சவுக்கார் ஜானகி அம்மாவை வாழ்த்தி
நடிகர் நாசர் அவர்களின் வாழ்த்து மடல்! @actornasser #nasser #actressssowcarjanaki #sowcarjanaki #siaa #nadigarsangam pic.twitter.com/DIw8xEoKNt

— nadigarsangam pr news (@siaaprnews) January 28, 2022