சித்தார்த்தை நினைத்து பெருமைப்படுகிறேன் என்றும் இந்த படத்தின் குழுவினர்களுக்கு எனது வாழ்த்துக்கள் என்றும் பிரபல நடிகர் சித்தார்த் தனது சமூக வலை தளத்தில் பதிவு செய்துள்ளார்

நடிகர் சித்தார்த் நடித்த ‘சித்தா’ என்ற திரைப்படம் நல்ல வரவேற்பை பெற்று வசூலில் சாதனை செய்து வருகிறது. இந்த படத்துடன் வெளியான ’சந்திரமுகி 2’ மற்றும் ’இறைவன்’ ஆகிய பெரிய பட்ஜெட் படங்களை விட சுமாரான பட்ஜெட்டில் தயாரிக்கப்பட்ட ‘சித்தா’ தான் வெற்றி படமாக ரசிகர்கள் மத்தியில் கூறப்பட்டு வருகிறது.

இந்த நிலையில் ஏற்கனவே ‘சித்தா’ படத்தை பல பிரபலங்கள் பார்த்து பாராட்டிய நிலையில் தற்போது பிரபல நடிகர் சிம்புவும் தனது சமூக வலைத்தளத்தில் பாராட்டு தெரிவித்துள்ளார்.

‘சித்தா’ திரைப்படம் ஒரு உணர்வு மிக்க விஷயத்தை கூறியுள்ளது, மிகவும் இலகுவான முறையில் தெளிவாக இந்த படத்தின் கதை கையாளப்பட்டுள்ளது. இயக்குனர் அருண் குமாருக்கு எனது வாழ்த்துக்கள். கதையை அனைவருக்கும் புரியும் படியாகவும் மென்மையாக தெளிவாகவும் அவர் இயக்கி உள்ளார். இந்த படத்தை தேர்வு செய்து தயாரித்து நடித்த சித்தார்த்தை நினைத்து நான் பெருமைப்படுகிறேன்’ என்று சிம்பு தனது சமூக வலைத்தளத்தில் பதிவு செய்துள்ளார். இந்த பதிவு தற்போது சமூக வலைதளங்களில் வைரல் ஆகி வருகிறது.