தமிழ் திரைப்படங்களில் 80-கள் முதல் பல அழுத்தமான கதாபாத்திரங்களில் நடித்து ரசிகர்கள் மத்தியில் மிகவும் பிரபலமானவர் தான் நடிகை சத்யா. எந்த கேரக்டர் கொடுத்தாலும், அதில் தத்ரூபமாக நடிக்கக் கூடியவர். கடந்த 1974-ல் " நேற்று இன்று நாளை" என்ற திரைப்படம் மூலமாகத் முதன்முதலாக தமிழில் அறிமுகமானார். இதேபோல் கடந்த 1970-ல் பசி என்ற படத்தில், செல்லம்மா என்ற ரோலுக்கு பொருத்தமாக நடித்திருந்தார். இதன் காரணமாகவே மூத்த நடிகை பானுமதி ராமகிருஷ்ணா இவருக்கு "பசி சத்யா" என்ற பெயரை வைத்தார்.

இதையடுத்து சின்னத்திரையிலும் கால் பதிக்க துவங்கிய சத்யா "சித்தி 1, செல்லமே, அண்ணாமலை, இளவரசி" உள்ளிட்ட பல தொடர்களில் தன்னுடைய எதார்த்தமான நடிப்பை வெளிப்படுத்தி இருப்பார். இதன்பின்பு சீரியலில் இருந்து நடிப்பதிலிருந்து விலகி விட்டார்.

இந்நிலையில் சன் தொலைக்காட்சியில் ஒளிபரப்பாகி வரும் "பூவே உனக்காக" சீரியலில், முக்கிய கதாபாத்திரத்தில் நடிகை சத்யா நடிக்கவிருப்பதாக செய்திகள் வெளியாகி உள்ளது. பல வருடங்கள் கழித்து இவர் மீண்டும் சீரியலில் நடிக்க வந்துள்ளதால், ரசிகர்கள் மத்தியில் எதிர்பார்ப்பு அதிகரித்துள்ளது.