பிக் பாஸ் மணிக்கு கார் வாங்க வேண்டும் என்ற கனவு ஏற்கனவே இருந்த நிலையில் அந்த கனவு தற்போது நனவாகி உள்ள நிலையில் அவர் தனது புதிய காரை புழுதி பறக்க ஓட்டிய வீடியோவை தனது சமூக வலைதளத்தில் பதிவு செய்துள்ளார். அந்த வீடியோ தற்போது இணையத்தில் வைரல் ஆகி வருகிறது.

விஜய் டிவியில் ஒளிபரப்பான பிக் பாஸ் சீசன் 7 நிகழ்ச்சியில் போட்டியாளராக கலந்து கொண்ட மணி ஆரம்பத்தில் ரவீனாவுடன் சேர்ந்து விளையாட்டாக நிகழ்ச்சியில் இருந்தாலும் அதன்பின் சீரியஸ் ஆக விளையாடினார் என்பதும் இந்த நிகழ்ச்சியின் இரண்டாவது இடத்தை அவர் பிடித்தார் என்பதும் தெரிந்தது.

இந்த நிலையில் பிக் பாஸ் நிகழ்ச்சியில் கலந்து கொண்ட போதே அவர் பலமுறை சொந்தமாக கார் வாங்க வேண்டும் என்று கூறியிருந்த நிலையில் தற்போது அவர் மகேந்திரா நிறுவனத்தின் தார் என்ற கார் வாங்கியுள்ள வீடியோவை வெளியிட்டுள்ளார்.

அந்த வீடியோவில் அவர் கார் வாங்க விண்ணப்பத்தில் கையெழுத்திடுவதும், அதன்பின் காரை புழுதி பறக்க மலைப்பகுதிகளில் ஓட்டி செல்லும் வீடியோவையும் வெளியிட்டுள்ளார். இதனை அடுத்து பிக்பாஸ் மணிக்கு ரசிகர்கள் தங்கள் வாழ்த்துக்களை தெரிவித்து வருகின்றனர்.

View this post on Instagram

A post shared by Manichandra (@manichandra_official)