வைகைப்புயல் வடிவேலுவுடன் இணைந்து பல திரைப்படங்களில் காமெடி கேரக்டர்களில் நடித்த நடிகர் கிருஷ்ணமூர்த்தி இன்று காலமானார். அவருக்கு கோலிவுட் திரையுலகினர் அஞ்சலி செலுத்தி வருகின்றனர்.

இன்று காலை நடிகர் கிருஷ்ணமூர்த்தி குமுளி அருகே ஒரு படத்தின் படப்பிடிப்பில் இருந்தபோது திடீரென மரணம் அடைந்ததாக தெரிகிறது. நடிகர் கிருஷ்ணமூர்த்தியை இழந்து தவிக்கும் அவரது குடும்பத்தினர்களுக்கு தென்னிந்திய நடிகர் சங்கம் இரங்கல் தெரிவித்துள்ளது.

இயக்குனர் பாலாவின் ‘நான் கடவுள்’ உள்பட பல திரைப்படங்களில் நகைச்சுவை மற்றும் குணசித்திர வேடத்தில் நடிகர் கிருஷ்ணமூர்த்தி நடித்துள்ளார். குறிப்பாக வடிவேலுடன் இணைந்து ’தவசி’ உள்பட பல படங்களில் இவர் நடித்த காமெடி காட்சிகள் ரசிகர்களிடையே பெரும் வரவேற்பை பெற்றது என்பது குறிப்பிடத்தக்கது.