close
Choose your channels

ప్ర‌భాస్‌కి జోడీగా దీపికా ప‌దుకునే?

Thursday, January 18, 2018 • తెలుగు Comments

'బాహుబ‌లి' చిత్రాల‌తో..భార‌తీయ సినిమాపై చెర‌గ‌ని సంత‌కం చేశారు ప్ర‌భాస్‌. ఆ చిత్రాల సంచ‌ల‌న విజ‌యాల‌తో.. ఒక్క‌సారిగా టాక్ ఆఫ్ ఇండియ‌న్ సినిమాగా నిలిచారు. ప్ర‌స్తుతం ప్ర‌భాస్‌.. సాహో అనే త్రిభాషా చిత్రాన్ని చేస్తున్నారు. తెలుగు, త‌మిళ్‌, హిందీ భాష‌ల్లో రూపొందుతున్న ఈ సినిమాలో బాలీవుడ్ న‌టి శ్ర‌ద్ధా క‌పూర్ క‌థానాయిక‌గా న‌టిస్తోంది.

ఈ సినిమాలో కేవ‌లం అందాల ఆర‌బోత‌కే ప‌రిమితం కాకుండా.. న‌ట‌న‌కు ప్రాధాన్య‌మున్న పాత్ర‌లో శ్ర‌ద్ధా క‌నిపించ‌బోతోంద‌ని స్వ‌యంగా ప్ర‌భాస్ చెప్పుకొచ్చారు. ఇదిలా ఉంటే.. సాహో పూర్త‌య్యాక ప్ర‌భాస్ ఓ బాలీవుడ్ మూవీ చేసే అవ‌కాశ‌ముంద‌ని తెలుస్తోంది. ప్ర‌ముఖ బాలీవుడ్ ద‌ర్శ‌క‌నిర్మాత క‌ర‌ణ్ జోహార్ నిర్మించే ఈ చిత్రం ప్రేమ‌క‌థా చిత్రంగా తెర‌కెక్క‌నుంద‌ట‌.

కాగా, ఈ సినిమాలో ప్ర‌ముఖ బాలీవుడ్ బ్యూటీ దీపికా ప‌దుకునే హీరోయిన్‌గా న‌టించే అవ‌కాశ‌ముంద‌ని బాలీవుడ్ వ‌ర్గాలు పేర్కొంటున్నాయి. ఒక‌వేళ ఇది కార్య‌రూపం దాల్చితే.. ఈ కాంబినేష‌న్ ఓ సెన్సేష‌న్ క్రియేట్ చేస్తుంద‌న‌డంలో అతిశ‌యోక్తి లేదు.

Get Breaking News Alerts From IndiaGlitz