பிரபல இயக்குனர் ராம்கோபால் வர்மா இயக்கத்தில் அமெரிக்க ஆபாச நடிகை மியா மால்கோவா நடித்த 'God Sex and Truth' என்ற வெப் திரைப்படத்தின் கவர்ச்சியான ஸ்டில்கள் மற்றும் தகவல்கள் கடந்த சில நாட்களாக வெளிவந்து பெரும் பரபரப்பை ஏற்படுத்திய நிலையில் தற்போது இந்த படம் வெளியாகும் தேதி மற்றும் நேரம் அறிவிக்கப்பட்டுள்ளது.

இந்த படம் உலகம் முழுவதும் வரும் 26ஆம் தேதி காலை 9மணிக்கு வெளியாகும் என்று ராம்கோபால் வர்மா தனது சமூக வலைத்தளத்தில் அறிவித்துள்ளார். இதற்கு முந்தைய நாளில் தான் தீபிகா படுகோனேவின் 'பத்மாவத்' திரைப்படம் வெளியாகிறது என்பது குறிப்பிடத்தக்கது. மேலும் ராம்கோபால் வர்மா தனது டுவீட்டில் மியாமால்கோவா மற்றும் தீபிகா படுகோனே ஆகிய இருவரும் சிறந்த பெண்கள் என்றும் குறிப்பிட்டுள்ளார்

GST என்று சுருக்கமாக அழைக்கப்படும் இந்த படம் ரிலீசுக்கு முன்னரே பெரும் சர்ச்சைகளையும் பரபரப்பையும் ஏற்படுத்திய நிலையில் ரிலீசுக்கு பின்னர் என்னென்ன செய்யப்போகிறது என்பதை பொறுத்திருந்து பார்ப்போம்