close
Choose your channels

'கோலி சோடா'வுக்காக கொடி பிடித்த சூர்யா

Saturday, June 9, 2018 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

கோலி சோடாவுக்காக கொடி பிடித்த சூர்யா

இயக்குனர், ஒளிப்பதிவாளர் விஜய் மில்டன் இயக்கியுள்ள 'கோலி சோடா 2' படம் வரும் 14ஆம் தேதி வெளியாகவுள்ள நிலையில் இந்த படத்தின் புரமோஷன் பணிகள் முழுவீச்சில் நடைபெற்று வருகிறது.

இந்த நிலையில் இந்த படத்தின் புரமோஷனின் ஒரு பகுதியாக தமிழகத்தில் உள்ள முக்கிய நகரங்களில் ஜிஎஸ்டி வண்டி செல்லவுள்ளதாகவும், இதில் மக்களுக்கு தேவையான அத்தியாவசிய பொருட்கள் கொண்டு செல்லப்பட்டு வழங்கப்படவுள்ளதாகவும் வெளிவந்த செய்தியினை ஏற்கனவே பார்த்தோம்

இந்த நிலையில் சென்னையில் சற்றுமுன் இந்த ஜிஎஸ்டி வண்டி கிளம்பியது. இந்த வண்டியை நடிகர் சூர்யா கொடியசைத்து வழியனுப்பி வைத்தார். 'கோலி சோடா 2' படத்தின் விளம்பரத்துடன் கூடிய இந்த ஜிஎஸ்டி வண்டி சென்னை, மதுரை, சேலம், கோவை உள்பட முக்கிய நகரங்களில் இன்று பயணம் செய்யவுள்ளது. அந்தந்த பகுதி மக்களுக்கு தேவையான அத்தியாவசிய பொருட்களை ஏற்கனவே கேட்டறிந்து அவர்கள் தேவையை பூர்த்தி செய்ய இந்த வண்டி செல்கிறது என்பது குறிப்பிடத்தக்கது.

சமுத்திரக்கனி, செம்பன் வினோத் ஜோஸ், ரோஹினி, சுபிக்சா, ரேகா உள்ளிட்ட பலர் நடித்துள்ள 'கோலி சோடா 2' படத்தில் இயக்குனர் கவுதம் மேனன் முக்கிய வேடம் ஒன்றில் நடித்துள்ளார். விஜய் மில்டன் இயக்கி ஒளிப்பதிவு செய்துள்ள இந்த படத்தை தீபக் படத்தொகுப்பு செய்துள்ளார்.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.