கடந்த சில தினங்கள் முன்பு வரை கமல்ஹாசனை பாஜகவின் ஸ்லீப்பர்செல் என்று ஒருசிலர் கூறி வந்தனர். ஆனால் தற்போது கமல்ஹாசன் காங்கிரஸ் கட்சியின் தலைவர் ராகுல்காந்தியையும், அவரது தாயார் சோனியா காந்தியையும் சந்தித்துள்ளதால் அவர் காங்கிரஸை நோக்கி செல்வதாக கூறி வருகின்றனர்.

இந்த நிலையில் இன்று கமல்ஹாசனிடம் செய்தியாளர்கள் 'காங்கிரஸ் தலைவர்களை சந்தித்துள்ளதால் காங்கிரஸ் பாதையில் நீங்கள் செல்வது போல் கூறப்படுகிறதே? என்ற கேள்விக்கு 'போன வாரம் வரை என்னை வேறு விதமாக நீங்கள்தான் சொன்னீர்கள். இன்று இன்னொரு விதமாக சொல்கின்றீர்கள். என் பாதை என்னவென்று நான் தான் முடிவு செய்வேன் என்று கூறினார்.

மேலும் டெல்லியில் காங்கிரஸ் தலைவர்களை சந்தித்ததால் அரசியலில் ஒரு வழிப்பாதையில் செல்கிறேன் என்று அர்த்தமில்லை என்றும், அரசியலில் என்னுடைய பாதை தனிப்பாதையாக இருக்கும் என்றும் கமல் தெரிவித்தார்.