நடிகை ஜோதிகா அவ்வப்போது வொர்க்-அவுட் செய்யும் புகைப்படங்கள் மற்றும் வீடியோக்களை வெளியிட்டு வரும் நிலையில் சமீபத்தில் அவர் வெளியிட்டுள்ள வொர்க்-அவுட் வீடியோவை பார்த்து ரசிகர்கள் ஆச்சரியம் அடைந்துள்ளனர்.

கடந்த 2000ஆம் ஆண்டுகளில் தமிழ் சினிமாவின் முன்னணி நடிகையாக இருந்தவர் ஜோதிகா. கமல்ஹாசன், ரஜினிகாந்த், அஜித், விஜய், சூர்யா, மாதவன், சிம்பு, என முன்னணி நடிகர்களுடன் இணைந்து நடித்து வந்தார் என்பதும் தெரிந்தது.

கடந்த 2004 ஆம் ஆண்டு நடிகர் சூர்யாவை திருமணம் செய்த பின்னர் திரையுலகிலிருந்து தற்காலிகமாக விலகிய ஜோதிகா அதன் பின் சில வருடங்கள் கழித்து மீண்டும் ரீஎண்ட்ரி ஆனார் என்பதும் தற்போதும் கோலிவுட், பாலிவுட்டில் சில படங்களில் நடித்து பிசியாக இருக்கிறார் என்பது குறிப்பிடத்தக்கது.

இந்த நிலையில் இன்ஸ்டாகிராமில் ஆக்டிவாக இருக்கும் ஜோதிகாவுக்கு மூன்று மில்லியனுக்கும் மேலாக ஃபாலோயர்கள் இருக்கும் நிலையில் அவ்வப்போது அவர் வொர்க்-அவுட் செய்யும் புகைப்படங்கள் வீடியோக்களை வெளியிட்டு வருவார். அந்த வகையில் தற்போது அவர் வெளியிட்டுள்ள வொர்க்-அவுட் வீடியோவை பார்த்து ரசிகர்கள் ஆச்சரியமடைந்தனர்.

குறிப்பாக அவர் தலைகீழாக தொங்கி கொண்டு பந்து விளையாடும் காட்சியை பார்த்து இந்த வயதிலும் ஜோதிகா அபாரமாக உடற்பயிற்சி செய்கிறார் என்றும், இது ஒவ்வொரு பெண்ணுக்கும் ஊக்கம் அளிக்கும் ஒரு வீடியோவாக உள்ளது என்றும் கமெண்ட்களை பதிவு செய்து வருகின்றனர்.

View this post on Instagram

A post shared by Jyotika (@jyotika)