அருண்விஜய் நடிப்பில் சமீபத்தில் வெளியான மெடிக்கல் க்ரைம் படமான 'குற்றம் 23' திரைப்படம் சமீபத்தில் வெளியாகி மிகப்பெரிய வரவேற்பை பெற்றது. இந்த ஆண்டின் வெற்றிப்படங்களில் ஒன்றாகிய இந்த படத்தால் அருண்விஜய்யின் மார்க்கெட்டும் உயர்ந்துள்ளது.

அருண்விஜய்யின் ஹீரோவாக நடித்த படங்களில் மகிழ்திருமேனி இயக்கிய 'தடையற தாக்க', மற்றும் அறிவழகன் இயக்கத்தில் இந்தர் குமார் தயாரித்த 'குற்றம் 23' ஆகிய இரண்டு திரைப்படங்கள் குறிப்பிடத்தக்க படங்கள் ஆகும். இந்த நிலையில் தற்போது அருண்விஜய் மேற்கண்ட இருவருடனும் மீண்டும் இணைந்துள்ளார்

ஆம், 'குற்றம் 23' தயாரிப்பாளர் இந்தர் குமாரின் தயாரிப்பில் உருவாகும் அடுத்த படத்தை மகிழ்திருமேனி இயக்க அதில் முக்கிய வேடத்தில் நடிக்கின்றார் அருண்விஜய். இந்த படம் அவருக்கு 'குற்றம் 23' படத்தின் வெற்றிக்காக கிடைத்த பரிசாக கருதலாம். இன்னும் பெயரிடப்படாத இப்படத்தை பற்றிய மற்ற நடிகர் நடிகையர் விவரம் விரைவில் அதிகாரப்பூர்வமாக தெரிவிக்கப்படும் என தயாரிப்பு தரப்பு கூறியுள்ளது