தளபதி விஜய் நடித்த ‘லியோ’ திரைப்படம் நேற்று முன்தினம் வெளியாகி மிகப்பெரிய வரவேற்பை பெற்று வருகிறது என்பதும் இந்த படம் வசூலையும் வாரி குவித்து வருகிறது என்பதையும் பார்த்து வருகிறோம்.

இந்த படத்தின் தயாரிப்பு நிறுவனம் முதல் நாளில் ‘லியோ’ ரூ.148.5 கோடி உலகம் முழுவதும் வசூல் செய்துள்ளதாக அறிவித்திருந்தது. இந்த நிலையில் தமிழைப் போலவே தெலுங்கிலும் இந்த படம் மாபெரும் வசூலை குவித்து வருவதாக தகவல் வெளியாகி உள்ளன.

இந்த படத்தின் தெலுங்கு ரிலீஸ் உரிமையை பெற்ற சித்தாரா என்டர்டெயின்மென்ட் நிறுவனம் சற்றுமுன் ‘லியோ’ திரைப்படம் தெலுங்கில் இரண்டு நாட்களில் 24 கோடி ரூபாய் வசூல் செய்துள்ளதாக அதிகாரபூர்வமாக அறிவித்துள்ளது. தமிழ் நடிகர் ஒருவரின் படம் தெலுங்கில் டப் செய்யப்பட்டு இரண்டே நாள்களில் இவ்வளவு பெரிய தொகை வசூலித்திருப்பது பெரும் ஆச்சரியத்தை ஏற்படுத்தி உள்ளது

அதுமட்டுமின்றி வட இந்தியாவில் இந்த படம் நல்ல வசூலை குவித்து வருவதாக கூறப்படுகிறது. ஆயுத பூஜை நீண்ட விடுமுறை இருப்பதால் முதல் ஆறு நாட்களில் ‘லியோ’ செய்யும் வசூல் பெரும் சாதனையாக இருக்கும் என்றும் டிரேடிங் வட்டாரங்கள் கூறுகின்றன.