சூப்பர் ஸ்டார் ரஜினிகாந்த் நடித்த '2.0' திரைப்படம் கடந்த மாதம் 29ஆம் தேதி உலகம் முழுவதும் சுமார் 10 ஆயிரம் திரையரங்குகளில் பிரமாண்டமாக வெளியாகியது. ஒருசில கலவையான விமர்சனங்களை பெற்றாலும் இந்த படம் வசூலில் மிகப்பெரிய சாதனை செய்து வருகிறது.

இந்த படத்தின் வசூல் குறித்து ஒருசில டுவிட்டர் பயனாளிகள் பல தகவல்களை அளித்து வந்தாலும் ஒரு படத்தின் வசூலை அந்த படத்தின் தயாரிப்பு நிறுவனம் தெரிவித்தால் மட்டுமே அது நம்பத்தகுந்ததாகவும் அதிகாரபூர்வமாகவும் இருக்கும்

அந்த வகையில் லைகா நிறுவனம் சற்றுமுன் இந்த படம் உலகம் முழுவதும் நான்கே நாட்களில் ரூ.400 கோடி வசூல் செய்ததை உறுதி செய்துள்ளது. உலக அளவில் ரூ.400 கோடி கிளப்பில் இணைந்த தென்னிந்திய படம் என்ற பெருமையை இந்த படம் பெற்றுள்ளது தமிழ் படவுலகே தலைநிமிர்ந்து நிற்பதாக கருதப்படுகிறது.