தமிழ் திரை உலகின் முன்னணி இசையமைப்பாளர்களில் ஒருவரான டி இமான் சென்னையை சேர்ந்த பெண் ஒருவரை திருமணம் செய்ய இருப்பதாக கூறப்படுகிறது.

ரஜினிகாந்த், அஜீத், விஜய், சூர்யா உள்பட பல முன்னணி நடிகர்களின் படங்களுக்கு இசையமைத்து வரும் டி இமான் சமீபத்தில் தனது மனைவியை விவாகரத்து செய்ய இருப்பதாக அறிவித்து இருந்தார். கடந்த 2008ஆம் ஆண்டு மோனிகா என்பவரை திருமணம் செய்த டி இமானுக்கு இரண்டு குழந்தைகள் உள்ளனர் என்பது குறிப்பிடத்தக்கது.

இந்த நிலையில் சட்ட ரீதியாக தனது மனைவியை பிரிந்து விட்ட டி இமான் தற்போது சென்னையை சேர்ந்த பெண் ஒருவரை திருமணம் செய்ய இருப்பதாகவும் இது குறித்து இரு தரப்பின் பெரியவர்களும் பேசி முடித்து விட்டதாகவும் தெரிகிறது.

எனவே டி இமான் விரைவில் தனது மறுமணம் குறித்த அறிவிப்பை அதிகாரபூர்வமாக விரைவில் அறிவிப்பார் என்று எதிர்பார்க்கப்படுகிறது.