பிரபல எழுத்தாளர் மற்றும் அரசியல் விமர்சகர் ஞானி அவர்கள் இன்று அதிகாலை உடல்நலக்குறைவு காரணமாக காலமானார் என்ற செய்தியை ஏற்கனவே பார்த்தோம். எழுத்தாளர் ஞானி தமிழ்த்திரையுலகினர்களுக்கும் நன்கு அறிமுகமானவர் என்பதால் கோலிவுட் திரையுலகினர் அவரது உடலுக்கு மலரஞ்சலி செலுத்தி வருகின்றனர்.

இந்த நிலையில் சூப்பர் ஸ்டார் ரஜினிகாந்த், ஞானியின் உடலுக்கு நேரில் சென்று அஞ்சலி செலுத்தினார். பின்னர் செய்தியாளர்களிடம் அவர் பேசியபோது, 'தான் ஞானியின் பெரிய ரசிகர் என்றும், நான் அவருக்கு நல்ல நண்பர் என்றும் அவர் எனக்கு நல்ல நண்பராக இருந்ததாகவும் தெரிவித்தார். மேலும் தனக்கு சரியென தோன்றியதை பயமின்றி பேசக்கூடியவர், எழுதக் கூடியவர் ஞாநி என தெரிவித்த ரஜினி அவரது ஆத்மா சாந்தியடைய தான் இறைவனை பிரார்த்தனை செய்வதாக கூறினார்

கடந்த 1 வாரத்துக்கு முன்புதான்  ரஜினியின் ஆன்மீக அரசியல் குறித்து மறைந்த ஞானி அவர்கள் தனது யூடியுப் சேனலில் தனது கருத்துக்களை பகிர்ந்துள்ளார் என்பதும் அந்த வீடியோ நல்ல வரவேற்பை பெற்றது என்பதும் குறிப்பிடத்தக்கது.