close
Choose your channels

మెగా హీరో క‌థ‌తో శ‌ర్వా సినిమా

Monday, June 1, 2020 • తెలుగు Comments

మెగా హీరో క‌థ‌తో శ‌ర్వా సినిమా

యువ క‌థానాయ‌కుడు శ‌ర్వానంద్ చేతిలో ఫుల్ ప్రాజెక్ట్స్ ఉన్నాయి. ఈ ఏడాది జానుతో ప్రేక్ష‌కుల ముందుకు వ‌చ్చిన శ‌ర్వానంద్‌కు నిరాశ త‌ప్ప‌లేదు. ఇప్పుడు శ‌ర్వానంద్ శ్రీకారం సినిమాను పూర్తి చేసే ప‌నిలో ఉన్నాడు. ఇది పూర్తి కాగానే అజ‌య్ భూప‌తి ద‌ర్శ‌క‌త్వంలో మ‌హాస‌ముద్రం సినిమా చేయాల్సి ఉంది. అలాగే కిషోర్ తిరుమ‌ల సినిమా కూడా శ‌ర్వానంద్ చేయాల్సి ఉంది. మూడు ప్రాజెక్ట్స్ ఉండ‌గా ఇప్పుడు మ‌రో ప్రాజెక్ట్ శ‌ర్వా చేతికి వెళ్లేలా ఉంద‌ని సినీ వ‌ర్గాల స‌మాచారం.

వివ‌రాల మేర‌కు మెగాప‌వ‌ర్‌స్టార్ రామ్‌చ‌ర‌ణ్‌తో యువీ క్రియేష‌న్స్ ఓ సినిమా చేయాల‌ని నిర్ణ‌యించుకుని క‌థ‌ను సిద్ధం చేసింది. శ్రీరామ్ రెడ్డి క‌థ‌ను త‌యారు చేశారు. స్క్రిప్ట్ వ‌ర్క్ కూడా పూర్త‌య్యింది. అయితే రామ్‌చ‌ర‌ణ్ మాత్రం ఈ ప్రాజెక్ట్ చేయ‌డానికి పెద్ద‌గా ఆస‌క్తి చూప‌లేదు. దీంతో యువీ క్రియేష‌న్స్ ఈ క‌థ‌ను శ‌ర్వానంద్‌తో చేయాల‌నుకుంటున్నార‌ట‌. అయితే శ‌ర్వానంద్ డేట్స్ ఎలా అడ్జ‌స్ట్ చేస్తాడ‌నేది ఆస‌క్తిక‌రంగా మారింది. శ‌ర్వానంద్‌, కిషోర్ తిరుమ‌ల కాంబినేష‌న్‌లో సినిమా ప్రారంభం కావ‌డానికి ముందు యువీ క్రియేషన్స్ బ్యాన‌ర్‌లో శ‌ర్వా సినిమా ఉంటుంద‌ని వార్త‌లు విన‌ప‌డుతున్నాయి.

Get Breaking News Alerts From IndiaGlitz