சிவகார்த்திகேயன் நடித்த 'ரெமோ', பிரபுதேவா நடித்த 'தேவி மற்றும் விஜய்சேதுபதி நடித்த 'றெக்க' ஆகிய படங்கள் இரண்டாவது வாரமாக வெற்றிகரமாக திரையரங்குகளில் ஓடி வரும் நிலையில் இந்த படங்களின் கடந்த வார இறுதி சென்னை வசூல் குறித்து தற்போது பார்ப்போம்

ரெமோ திரைப்படம் கடந்த வாரம் 23 திரையரங்க வளாகங்களில் 384 காட்சிகள் ஓடி ரூ.88,58,310 வசூல் செய்துள்ளது. திரையரங்குகளில் 75% பார்வையாளர்கள் நிரம்பியிருந்தனர் என்பது குறிப்பிடத்தக்கது. மேலும் இந்த படம் அக்டோபர் 7 - 16 வரை சென்னையில் ரூ.4,59,02,560 வசூல் செய்துள்ளது. இதுவரை வெளியான சிவகார்த்திகேயன் படங்களில் இந்த வசூல்தான் டாப் என்பது குறிப்பிடத்தக்கது.

இயக்குனர் விஜய் இயக்கத்தில் பிரபுதேவா ,தமன்னா நடித்த 'தேவி' திரைப்படம் சென்னையில் கடந்த வாரம் 16 திரையரங்கு வளாகங்களில் 155 காட்சிகள் திரையிடப்பட்டு ரூ.46,89,540 வசூல் செய்துள்ளது. திரையரங்குகளில் 90% பார்வையாளர்கள் நிரம்பியிருந்ததாகவும் இந்த படத்தின் அக்டோபர் 7 - 16 வரையிலான வசூல் ரூ.1,43,21,950 என்றும் தகவல்கள் வெளிவந்துள்ளது.

விஜய்சேதுபதியின் 'றெக்க' திரைப்படம் கடந்த வார இறுதியில் சென்னையில் 17 திரையரங்க வளாகங்களில் 140 காட்சிகள் திரையிடப்பட்டு ரூ.;26,59,170 வசூல் செய்துள்ளது. 70% பார்வையாளர்கள் நிரம்பியிருந்ததாகவும் அக்டோபர் 7-16 வரையில் ரூ.1,57,29,560 வசூல் செய்து ஆவரேஜ் வசூல் படம் என்ற பெயரை பெற்றுள்ளது.