சமீபத்தில் வெளியான ‘ராக்கி’ படத்தை பார்த்த சூப்பர் ஸ்டார் ரஜினிகாந்த் அவர்கள் செய்த செயல் குறித்த புகைப்படம் தற்போது இணையதளங்களில் வைரலாக வருகிறது.

வசந்த் ரவி மற்றும் பாரதிராஜா நடிப்பில் அருண் மாதேஸ்வரன் இயக்கத்தில் உருவாகிய ‘ராக்கி’ திரைப்படம் சமீபத்தில் வெளியானது என்பதும் இந்த படத்திற்கு மிகப்பெரிய பாசிட்டிவ் விமர்சனங்கள் இணையதளங்களில் குவிந்து வருகிறது என்பதும் படக்குழுவினர்களுக்கு வாழ்த்துக்களும் குவிந்து வருகிறது என்பதையும் ஏற்கனவே பார்த்தோம்.

இந்த நிலையில் சூப்பர் ஸ்டார் ரஜினிகாந்த் அவர்கள் ‘ராக்கி’ திரைப்படத்தை பிரத்யேக பார்த்து, அசந்து போய் அசந்து போனதாகவும், குறிப்பாக இந்த படத்தில் பாரதிராஜாவின் நடிப்பை அவர் படக்குழுவினர்களிடம் பாராட்டியதாக ஏற்கனவே செய்திகள் வெளியானது.

இந்த நிலையில் இயக்குனர் இமயம் பாரதிராஜாவை தனது வீட்டிற்கு வரவழைத்த சூப்பர் ஸ்டார் ரஜினிகாந்த் அவர்கள் அவருக்கு பொன்னாடை போர்த்தி தனது வாழ்த்துக்களையும் பாராட்டுக்களையும் தெரிவித்தார். இந்த சந்திப்பின்போது ‘ராக்கி’ படத்தின் நாயகன் வசந்த் ரவியும் உடனிருந்தார் என்பது குறிப்பிடத்தக்கது. இது குறித்த புகைப்படம் இணையதளங்களில் வைரலாகி வருகிறது.