சூர்யா நடிப்பில் ஹரி இயக்கிய 'எஸ் 3' படத்தின் படப்பிடிப்பு முடிவடைந்ததை அடுத்து, வரும் 19ஆம் தேதி முதல் அவர் விக்னேஷ் சிவன் இயக்கவுள்ள 'தானா சேர்ந்த கூட்டம்' படத்தின் படப்பிடிப்பில் கலந்து கொள்ளவுள்ளார்.

இந்நிலையில் 'எஸ் 3' படத்தின் போலீஸ் கேரக்டருக்காக உடம்பை ஏற்றிய சூர்யா, 'தானா சேர்ந்த கூட்டம்' படத்திற்காக 10 கிலோ எடையை குறைக்க உள்ளாராம். உடல் எடையை இழப்பது என்பது சூர்யாவுக்கு பெரிய விஷயம் என்பதால் அவர் இதற்காக வீட்டிலேயே ஒருசில உடற்பயிற்சியில் ஈடுபட்டுள்ளதாக செய்திகள் வெளிவந்துள்ளது.

மேலும் இந்த படத்தில் சூர்யா வித்தியாசமான ஹேர்ஸ்டைலில் தோன்றவுள்ளதாகவும், இதன் காரணமாக சூர்யா பொது நிகழ்ச்சியில் கலந்து கொள்ள வெளியே செல்லும்போது தொப்பி அணிந்து வருகிறார்.

ஸ்டுடியோக்ரீன் நிறுவனம் தயாரிக்கும் இந்த படத்தில் சூர்யாவுடன் முதன்முதலாக கீர்த்தி சுரேஷ் ஜோடி சேருகிறார். இந்த படத்திற்கு அனிருத் இசையமைக்கின்றார்.