சூர்யாவின் ’சூரரைப்போற்று’ திரைப்படம் சமீபத்தில் ஓடிடியில் வெளியாகி நல்ல வரவேற்பை பெற்றது என்பது தெரிந்ததே. இதனை அடுத்து தற்போது அவர் ’நவரசா’ என்ற அந்த ஆந்தாலஜி திரைப்படத்தில் நடித்து முடித்துள்ளார் என்பதும் இந்த படத்தை அடுத்து சன் பிக்சர்ஸ் நிறுவனம் தயாரிப்பில் பாண்டிராஜ் இயக்கவிருக்கும் படத்தில் அவர் நடிக்க இருக்கிறார் என்பதும் தெரிந்ததே.

சூர்யா, பாண்டிராஜ் இணையும் இந்த படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது. இந்த நிலையில் சூர்யாவின் லேட்டஸ்ட் லுக் ஒன்று சமீபத்தில் வைரலாகி வருகிறது ஜிம் ஒன்றில் சூர்யா ஸ்டைலாக இருக்கும் இந்த கெட்டப், பாண்டிராஜ் இயக்கவிருக்கும் படத்திற்கான கெட்டப்பா? என்பதை பொறுத்திருந்து தான் பார்க்க வேண்டும்.

பாண்டிராஜ் படத்தை முடித்துவிட்டு, இயக்குனர் வெற்றிமாறன் இயக்கும் ‘வாடிவாசல்’ படத்தில் சூர்யா நடிக்கவுள்ளார். இந்த படத்தின் படப்பிடிப்பு இந்த ஆண்டின் இரண்டாம் பாதியில் தொடங்கி அடுத்த ஆண்டு வெளியாகும் என எதிர்பார்க்கப்படுகிறது.