சிவா நடிப்பில் இயக்குனர் சி.எஸ்.அமுதன் இயக்கிய 'தமிழ்ப்படம் 2' திரைப்படம் வரும் வியாழன் அன்று உலகம் முழுவதும் வெளியாகவுள்ளது. இந்த படத்தின் பிரிமியர் காட்சிகள் அமெரிக்காவில் உள்ள சில திரையரங்குகளில் நாளை வெளியாகவுள்ளதாக தெரிகிறது.

இந்த நிலையில் அமெரிக்காவில் இந்த படம் 63 திரையரங்குகளில் வெளியாகவுள்ளதாகவும், அனைத்து திரையரங்குகளுக்கும் மூன்று நாட்களுக்கு முன்னதாகவே கேடிஎம் கிளியரன்ஸ் வந்துவிட்டதாகவும் செய்திகள் வெளியாகியுள்ளது. தற்போது வெளிவரும் பல திரைப்படங்களின் கேடிஎம் கிளியரன்ஸ் கடைசி நிமிடத்தில் வெளிவந்து டென்ஷனை உருவாக்கி வரும் நிலையில் இதுபோன்று முன்கூட்டியே சில நாட்களுக்கு முன் கிளியரன்ஸ் தருவதை அனைத்து தயாரிப்பு நிறுவனங்களும் பின்பற்ற வேண்டும் என்று திரையரங்கு உரிமையாளர்கள் கோரிக்கை வைத்து வருகின்றனர்.

இந்த நிலையில் தமிழகத்தில் சென்னை உள்பட ஒருசில முக்கிய நகரங்களில் ரிலீஸ் தேதி அன்று காலை சிறப்பு காட்சி திரையிடவும் திட்டமிடப்பட்டு வருகிறது. அஜித், விஜய் போன்ற முன்னணி நடிகர்களுக்குக் மட்டுமே காலை சிறப்பு காட்சி திரையிடப்பட்டு வரும் நிலையில் தற்போது இந்த படத்திற்கும் சிறப்பு காட்சி திரையிடப்படுவது அனைவரையும் ஆச்சரியத்தில் ஆழ்த்தியுள்ளது.