சூப்பர் ஸ்டார் ரஜினிகாந்த் நடிப்பில் இயக்குனர் ஏ.ஆர்.முருகதாஸ் இயக்கவுள்ள 'தலைவர் 167' திரைப்படத்தின் படப்பிடிப்பு வரும் 10ஆம் தேதி முதல் மும்பையில் நடைபெறவுள்ள நிலையில் இந்த படத்தின் ஃபர்ஸ்ட்லுக் வெளியாகும் தேதி அதிகாரபூர்வமாக அறிவிக்கப்பட்டுள்ளது.

இதன்படி 'தலைவர் 167' படத்தின் டைட்டிலுடன் கூடிய ஃபர்ஸ்ட்லுக் நாளை காலை 8.30 மணிக்கு வெளியாகவிருப்பதாக அறிவிக்கப்பட்டுள்ளது. இந்த தகவலை இந்த படத்தை தயாரிக்கும் லைகா நிறுவனம் தனது சமூக வலைத்தளத்தில் உறுதி செய்துள்ளது சூப்பர் ஸ்டார் ரஜினியின் போலீஸ் லுக்கை பார்க்க அவரது ரசிகர்கள் மிகுந்த ஆவலுடன் காத்திருக்க தொடங்கிவிட்டனர்.

நீண்ட இடைவெளிக்கு பின் சூப்பர் ஸ்டாருடன் லேடி சூப்பர் ஸ்டார் நயன்தாரா இணையவுள்ள இந்த படத்தை லைகா நிறுவனம் தயாரிக்கவுள்ளது. அனிருத் இசையமைப்பில் சந்தோஷ் சிவன் ஒளிப்பதிவில் இந்த படம் உருவாகவுள்ளது.