பாலிவுட் திரையுலகின் 2 முன்னணி ’கான்’ நடிகர்கள் மற்றும் பிரசாந்த், பிரபுதேவா என ’தளபதி 68’ படத்தின் நட்சத்திரங்கள் தேர்வு வேற லெவலில் இருப்பதாக தகவல் வெளியாகியுள்ளது.

தளபதி விஜய் நடிக்க இருக்கும் ’தளபதி 68’ திரைப்படத்தை வெங்கட் பிரபு இயக்க உள்ளார் என்பதும் யுவன் சங்கர் ராஜா இசையமைக்கும் இந்த படத்தை ஏஜிஎஸ் நிறுவனம் மிகப்பெரிய பட்ஜெட்டில் தயாரிக்க உள்ளது என்பது தெரிந்ததே.

இந்த நிலையில் இந்த படத்தில் நடிக்கும் நட்சத்திரங்கள் தேர்வு நடைபெற்றுக் கொண்டிருக்கும் நிலையில் இது குறித்து கசிந்து வரும் தகவல்கள் பெரும் ஆச்சரியத்தை ஏற்படுத்தியுள்ளது.

ஏற்கனவே இந்த படத்தில் நடிக்க பிரபல பாலிவுட் நடிகர் அமீர்கானை படக்குழுவினர் தொடர்பு கொண்டதாக கூறப்படும் நிலையில் தற்போது ஷாருக்கானையும் தொடர்பு கொண்டிருப்பதாகவும் இருவரும் இந்த படத்தில் நடிக்க வாய்ப்பு இருப்பதாகவும் கூறப்படுகிறது.

மேலும் பிரசாந்த் இந்த படத்தில் நடிக்க அழைப்பு விடுக்கப்பட்டுள்ளதை அவருடைய தந்தை தியாகராஜன் உறுதி செய்துள்ளதாகவும் இறுதி கட்டப் பேச்சுவார்த்தை நடைபெற்று வருவதாகவும் கூறப்படுகிறது. மேலும் பிரபுதேவா இந்த படத்தில் நடிப்பதும் கிட்டத்தட்ட உறுதி செய்யப்பட்டுள்ளது.

வெங்கட்பிரபுவின் நட்சத்திர தேர்வை பார்க்கும்போது இந்த படம் வேற லெவலில் பான்-இந்தியா திரைப்படமாக உருவாகும் என்றும் படப்பிடிப்புக்கு முன்பே மிகப்பெரிய எதிர்பார்ப்பை ஏற்படுத்தியுள்ளது என்றும் கூறப்படுகிறது.