நடிகர் தனுஷ் பிறந்த நாளை முன்னிட்டு இன்று அவர் நடித்துள்ள 'வடசென்னை' திரைப்படத்தின் டீசர் வெளிவரவுள்ளதாக ஏற்கனவே அறிவிக்கப்பட்டிருந்தது. இந்த நிலையில் சற்றுமுன்னர் 'வடசென்னை' படத்தின் டீசர் தனுஷின் அதிகாரபூர்வ சமூக வலைத்தள பக்கத்தில் வெளியாகியுள்ளது.

அப்பாவி தனுஷாக ஆரம்பமாகி பின் ஒரு விபரீதத்தால் ஆக்ரோஷ தனுஷாக மாறும் கதை போல் தெரிகிறது. ஜெயிக்கிறோமோ இல்லையோ முதல்ல சண்டை செய்யணும் என்ற வசனம் ஒன்றே இந்த படம் ஒரு பக்கா ஆக்சன் படம் என்பதை உறுதி செய்கிறது. அதற்கேற்ப இந்த டீசரில் அதிரடி ஆக்சன் காட்சிகளும் உள்ளன.

ஐஸ்வர்யா ராஜேஷுடன் லிப்லாக் முத்தம், ஆண்ட்ரியாவின் ரொமான்ஸ் பார்வை ஆகிய காட்சிகளும் இருப்பதால் தனுஷ்-வெற்றி மாறனின் முந்தைய படங்கள் போல் இந்த படத்திலும் சுவாரஸ்யமான ரொமான்ஸ் காட்சிகளும் இருக்கும் என்பது இந்த டீசரில் இருந்து தெரியவருகிறது

திருப்பி அடிக்கலைன்னா, நம்மள அடிச்சு ஓடவிட்டுக்கினே இருப்பாங்க', 'இது நம்ம ஊரு, நம்மதான் இதை பார்த்துக்கணும்' போன்ற வசனங்களும் படத்தின் எதிர்பார்பை அதிகரித்துள்ளது. அதிரடி ஆக்சன் காட்சிகள் கொஞ்சம் 'புதுப்பேட்டை' படத்தை ஞாபகப்படுத்துவது போல் இருக்கின்றது என்பதையும் மறுக்க முடியாது