தல அஜித் நடிக்கும் 'தல 59' படத்தின் படப்பிடிப்பு சமீபத்தில் தொடங்கி விறுவிறுப்பாக நடந்து வருகிறது. இந்த படத்தில் நடிகர் நடிகையர் மற்றும் தொழில்நுட்ப கலைஞர்கள் குறித்த அறிவிப்பு சமீபத்தில் வெளிவந்தது என்பது தெரிந்ததே.

இந்த நிலையில் இந்த படம் 'பிங்க்' ரீமேக் படமாக இருந்தாலும், 'பிங்க்' படத்தில் இல்லாத தமிழ் பதிப்பிற்காக உருவாக்கப்பட்ட ஒரு கேரக்டரில் நடிக்க வித்யாபாலான் ஒப்பந்தமாகியுள்ளார். அஜித்தின் மனைவியாக நடிக்கும் வித்யாபாலன் இந்த படத்திற்காக ஆறு நாட்கள் கால்ஷீட் கொடுத்துள்ளார். மேலும் இவருடைய கேரக்டர் அஜித்தை ஊக்கப்படுத்தும் முக்கியமான கேரக்டர் என்றும் அஜித்-வித்யாபாலன் ஆகிய இருவருக்கும் ஒரு பாடலும் உள்ளதாகவும் தகவல்கள் வெளிவந்துள்ளது.

மேலும் இந்த படத்திற்காக இசையமைப்பாளர் யுவன்ஷங்கர் ராஜா நான்கு பாடல்கள் கம்போஸ் செய்யவிருப்பதாகவும், அதில் ஒன்றுதான் அஜித்-வித்யாபாலன் பாடல் என்றும் கூறப்படுகிறது.

போனிகபூர் தயாரிப்பில், ஹெச்.வினோத் இயக்கத்தில் உருவாகும் இந்த படம் வரும் மே 1ஆம் தேதி அஜித்தின் பிறந்த நாளில் வெளியிட திட்டமிடப்பட்டுள்ளது என்பது குறிப்பிடத்தக்கது.