கோலிவுட் திரையுலகில் ரஜினி, கமல் படங்கள் உள்பட பல முன்னணி நடிகர்களின் படங்கள் இரண்டாம் பாகமாக உருவாகி வெளிவந்து கொண்டிருக்கின்றது. அந்த வகையில் மக்கள் செல்வன் விஜய்சேதுபதி நடித்த படம் ஒன்றும் விரைவில் இரண்டாம் பாகமாக உருவாகவிருப்பதாக செய்திகள் வெளிவந்துள்ளது

விஜய்சேதுபதி நடிப்பில் இயக்குனர் அருண்குமார் இயக்கிய 'சேதுபதி' திரைப்படம் கடந்த 2016ஆம் ஆண்டு வெளிவந்து மாபெரும் வெற்றி பெற்றது. விஜய்சேதுபதியின் கம்பீர போலீஸ் தோற்றம் இந்த படத்தின் வெற்றிக்கான காரணங்களில் ஒன்று. இந்த நிலையில் 'சேதுபதி 2' திரைப்படம் விரைவில் உருவாகவிருப்பதாக தற்போது தகவல்கள் வெளிவந்துள்ளது

'சேதுபதி 2' திரைப்படத்தை முதல் பாகத்தை தயாரித்த வாசன் மூவீஸ் நிறுவனம் தயாரிக்கவிருப்பதாகவும், அதேபோல் அருண்குமாரே இந்த படத்தை இயக்கவுள்ளதாகவும் செய்திகள் வெளிவந்துள்ளது.

வாசன் மூவீஸ் நிறுவனம் ஏற்கனவே விஜய்சேதுபதி நடித்து வரும் 'சிந்துபாத்' மற்றும் 'மாமனிதன்' ஆகிய திரைப்படங்களையும் தயாரித்து வருகிறது என்பது குறிப்பிடத்தக்கது.