இளையதளபதி விஜய் நடித்த 'புலி' திரைப்படம் வரும் அக்டோபர் 1ஆம் தேதி ரிலீஸாகும் என தயாரிப்பு நிறுவனம் அதிகாரபூர்வமாக அறிவித்துள்ளதை சற்று முன் பார்த்தோம். இந்நிலையில் சரியாக ஐந்து வருடங்களுக்கு முன்னர் அதாவது கடந்த 2010ஆம் ஆண்டு அதே அக்டோபர் 1ஆம் தேதிதான் சூப்பர்ஸ்டார் ரஜினிகாந்த் நடித்த 'எந்திரன்' திரைப்படம் ரிலீஸானது என்பது குறிப்பிடத்தக்கது.

சூப்பர் ஸ்டார் நடித்த சூப்பர் ஹிட் படம் ரிலீஸான அதே தேதியில் அடுத்த சூப்பர் ஸ்டார் என எதிர்பார்க்கப்படும் விஜய்யின் 'புலி' ரிலீஸ் தேதி தற்செயலாக நிகழ்ந்த ஒற்றுமையாக இருந்தாலும், 'எந்திரன்' படம் உலகம் முழுவதும் செய்த அதே சாதனையை 'புலி' படமும் படைக்கும் என எதிர்பார்க்கப்படுகிறது.

சூப்பர் ஸ்டார் ரஜினியின் 'எந்திரன்' படத்தின் சாதனையை 'பாகுபலி' தகர்த்தது போல் எந்திரன் ரிலீஸ் ஆன அதே தேதியில் ரிலீஸ் ஆகும் 'புலி' திரைப்படம், பாகுபலியின் சாதனையை தகர்க்க வேண்டும் என்பதே விஜய் ரசிகர்களின் எதிர்பார்ப்பாக உள்ளது.