பிக்பாஸ் வீட்டில் கடந்த மூன்று நாட்களாக ஆண்கள் எஜமானர்களாகவும், பெண்கள் வேலைக்காரிகளாகவும் இருக்கும் டாஸ்க் நடந்து கொண்டிருந்தது. இந்த டாஸ்க் மும்தா, மமதி உள்பட ஒருசில போட்டியாளர்களுக்கு வெறுப்பை அளித்தது. ஆண்களை பழிவாங்க அவர்கள் காத்திருந்தது போல் இருந்தது. ஆனால் பழிவாங்கும் சந்தர்ப்பம் இவ்வளவு சீக்கிரம் வருமென்று நினைத்து பார்க்கவில்லை. ஆம், இன்று முதல் பெண்கள் எஜமானிகளாகவும் ஆண்கள் வேலைக்காரர்களாகவும் மாறுகின்றனர். எனவே பிக்பாஸ் வீட்டில் நிலைமை திடீரென மாறியுள்ளது.

எஜமானியான நித்யா, பாலாஜியை வேலைவாங்குவது போன்ற வீடியோவும், பெண்களை குஷிப்படுத்த ஆண்கள் நடனமாடுவது போன்ற புரமோ வீடியோவும் இன்று வீட்டில் என்ன நடக்கும் என்பதை ஓரளவு ஊகிக்க வைக்கின்றது. இருப்பினும் வழக்கம்போல் நித்யா புலம்பும் காட்சிகள் இருப்பதும் பயத்தை தோற்றுவிக்கின்றது.

மேலும் நடனக்காட்சி ஒன்றில் அனந்து நடனமாடும் காட்சி ஆச்சரியத்தை தந்தாலும், அவர் ஷாரிக்கை தள்ளிவிடுவது போன்ற காட்சி அதிர்ச்சியை அளிக்கின்றது. மேலும் வழக்கம் போல் மும்தாஜ், நித்யாவுக்கு அறிவுரை கூறும் காட்சிகளும் இன்று உள்ளது. மொத்தத்தில் பிக்பாஸ் 2 நிகழ்ச்சியை பரபரப்பாக்க நிகழ்ச்சி ஏற்பாட்டாளர்கள் என்னென்னவோ செய்து பார்க்கின்றார்கள். ஆனால் இதுவரை நிகழ்ச்சி சூடுபிடிக்கவில்லை என்பதுதான் உண்மை.

வச்சாங்கள்ல டுவிஸ்டு! ?? #பிக்பாஸ் - தினமும் இரவு 9 மணிக்கு உங்கள் விஜயில்.. #BiggBossTamil #VivoBiggBoss @Vivo_India pic.twitter.com/DOkQU3Ymzk

— Vijay Television (@vijaytelevision) June 28, 2018