எங்கள் கூட்டணிக்கு வந்த விக்னேஷ் சிவன் - நயன்தாரா தம்பதிக்கு வாழ்த்துக்கள் என நடிகர் கார்த்திக் தனது வாழ்த்துக்களை தெரிவித்துள்ளார்.

இயக்குனர் விக்னேஷ் சிவன் மற்றும் நடிகை நயன்தாரா கடந்த ஜூன் மாதம் ஒன்பதாம் தேதி திருமணம் செய்துகொண்ட நிலையில் நான்கே மாதத்தில் தாங்கள் அம்மா அப்பா ஆகிவிட்டதாக மகிழ்ச்சியுடன் அறிவித்திருந்தனர்.

இந்த அறிவிப்பு ஒரு பக்கம் பெரும் பரபரப்பையும் சர்ச்சையையும் ஏற்படுத்தி உள்ள நிலையில் இன்னொரு பக்கம் நயன்தாரா - விக்னேஷ் சிவன் தம்பதிக்கு வாழ்த்துக்கள் குவிந்து வருகிறது.

இந்த நிலையில் நடிகர் கார்த்தி ’பெற்றோர்கள் என்ற எங்களுடைய கூட்டணிக்கு வந்த நயன்தாரா மற்றும் விக்னேஷ் சிவன் ஆகிய இருவருக்கும் வாழ்த்துக்கள் என்றும் நீங்கள் நால்வரும் நலமுடன் இருக்க கடவுளை பிரார்த்திப்பதாகவும் அவர் தெரிவித்துள்ளார்.

கார்த்தியின் வாழ்த்துக்கு இயக்குனர் விக்னேஷ் சிவன் தனது நன்றியை தெரிவித்துள்ளார் என்பது குறிப்பிடத்தக்கது.