நடிகர் சித்தார்த் ஏற்கனவே மூன்று படங்களை தயாரித்து உள்ள நிலையில் அவரது நான்காவது படத்தை இயக்க இருப்பது விஜய் சேதுபதி பட இயக்குனர் என தெரியவந்துள்ளது.

ஷங்கர் இயக்கிய ’பாய்ஸ்’ என்ற திரைப்படத்தின் மூலம் திரையுலகில் அறிமுகமானவர் நடிகர் சித்தார்த். அதன் பிறகு அவர் பல திரைப்படங்களில் நடித்துள்ளார் என்பதும் தற்போது கமல்ஹாசனின் ’இந்தியன் 2’ படத்தில் முக்கிய இடத்தில் நடித்து வருகிறார் என்பது குறிப்பிடத்தக்கது. மேலும் மாதவன், நயன்தாரா இருக்கும் நடிக்க ’தி டெஸ்ட்’ என்ற திரைப்படத்தில் முக்கிய வேடத்தில் நடிக்க ஒரு ஒப்பந்தமாகியுள்ளார்.

இந்த நிலையில் நடிகர் சித்தார்த் ஏற்கனவே ’அவள்’ ’காதலில் சொதப்புவது எப்படி’ மற்றும் ’ஜில் ஜங் ஜக்’ ஆகிய மூன்று படங்களை தயாரித்துள்ள நிலையில் தற்போது நான்காவது ஒரு படத்தை தயாரிக்க உள்ளார். இந்த படத்தை விஜய் சேதுபதி நடித்த ’பண்ணையாரும் பத்மினியும்’ என்ற படத்தை இயக்கிய அருண்குமார் இயக்க உள்ளார்.

இந்த படத்தின் அதிகாரபூர்வ அறிவிப்பு மற்றும் டைட்டில் நாளை வெளியாக இருப்பதாகவும், இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் தேர்வு முடிந்துவிட்டதாகவும் விரைவில் படப்பிடிப்பு தொடங்கும் என்றும் கூறப்படுகிறது.