close
Choose your channels

అల్లు అర్జున్‌ని ఆరాదిస్తోన్న బాలీవుడ్ తారలు

Wednesday, July 15, 2020 • తెలుగు Comments

అల్లు అర్జున్‌ని ఆరాదిస్తోన్న బాలీవుడ్ తారలు

ఈ ఏడాది సంక్రాంతి బరిలోకి ‘అల వైకుంఠపురములో..’ చిత్రంతో ప్రేక్షకుల ముందుకు వచ్చారు స్టైలిష్‌స్టార్ అల్లు అర్జున్. రెండు వందల కోట్లకు పైగా వసూళ్లను సాధించి నాన్ బాహుబలి రికార్డులను ఈ చిత్రం క్రియేట్ చేసింది. నిర్మాతలకే కాదు..ఈ సినిమాతో భాగమైన ప్రతి ఒక్కరికీ ఇది లాభాలను తెచ్చి పెట్టింది. సక్సెస్ విషయాన్ని పక్కన పెడితే, ఈ సినిమాతో బన్నీ క్రేజ్ ఇండియా అంతటా పాకింది. అందుకు ఉదాహరణ ఈ సినిమాలో బన్నీ వేసిన స్టెప్స్‌ను బాలీవుడ్ స్టార్స్ కూడా ట్ర్రై చేయడమే. బన్నీ ప్రెజెన్స్ బాలీవుడ్ తారలను కూడా ఆకట్టుకుంది.

బాలీవుడ్ హీరోయిన్ దిశా పటాని ‘బుట్టబొమ్మ..’ సాంగ్ చూసి బన్నీ డాన్సులతో ఎంతో ఇన్‌స్పైర్ అయ్యానని థాంక్స్ చెబుతూ.. బన్నీ డాన్సింగ్ స్టెప్‌ను పోస్ట్ చేసింది. బాలీవుడ్ స్టార్ హీరో హృతిక్ స్పందిస్తూ.. ‘ఓ మై గాడ్..ఎనర్జిటిక్, స్ట్రాంగ్, ఇన్‌స్పైరింగ్’అన్నారు. ‘బుట్టబొమ్మ..’ సాంగ్ పాడిన అర్మాన్ మాలిక్ బన్నీ తన ఫేవరేట్ హీరో అని తెలిపారు.

బాలీవుడ్ స్టార్స్ శిల్పా శెట్టి, షమితా శెట్టి సైతం బుట్టబొమ్మ సాంగ్‌కు కాలు కదిపారు. ఆ వీడియోలు సోషల్ మీడియాలో వైరల్‌గా మారిన సంగతి తెలిసిందే. అలాగే ఆస్ట్రేలియన్ క్రికెటర్ డేవిడ్ వార్నర్ కూడా భార్యతో కలిసి ఈ సినిమాలోని పాటలకు స్టెప్పులేయడం విశేషం. సెలబ్రిటీలు, సామాన్య ప్రజలు అందరూ ఈ సినిమాలో పాటలకు టిక్ టాక్ వీడియోలను పోస్ట్ చేశారు. ఇలా బాలీవుడ్ స్టార్స్‌కు అల్లు అర్జున్ ఫేవరెట్ హీరోగా మారిపోయారు. ప్రస్తుతం సుకుమార్ దర్శకత్వంలో పాన్ ఇండియా చిత్రం ‘పుష్ప’లో రా అండ్ రస్టిక్ పాత్రలో నటిస్తున్నారు బన్నీ. ఈ సినిమాలో బన్నీ లుక్‌ను చిత్ర యూనిట్ విడుదల చేసినప్పుడు అమేజింగ్ రెస్పాన్స్ వచ్చింది. దీంతో సినిమాపై ఎలాంటి అంచనాలు మరింత పెరిగాయి.

Get Breaking News Alerts From IndiaGlitz