தங்கமகன்' படத்தை அடுத்து தனுஷ் நடிக்கும் 'கொடி' படத்தின் படப்பிடிப்பு சமீபத்தில் தொடங்கியதை அடுத்து தனுஷ் நடித்து முடித்துள்ள மற்றொரு படத்தின் டைட்டில் குறித்த தகவல் வெளியாகியுள்ளது.

பிரபுசாலமன் இயக்கத்தில் தனுஷ் நடித்து முடித்துள்ள ரயில் ஆக்சன் படத்திற்கு 'ரயில்' என்ற டைட்டில் வைக்கப்பட அதிக வாய்ப்புள்ளதாக கூறப்படுகிறது. பூச்சியப்பன் என்ற கேரக்டரில் ரயில்வே பேண்ட்ரி பணியாளராக நடித்துள்ள தனுஷுக்கு முதன்முதலாக கீர்த்திசுரேஷ் ஜோடியாக நடித்துள்ளார். சரோஜா என்ற கேரள பெண் கேரக்டரில் நடித்துள்ள கீர்த்தி சுரேஷூக்கு இந்த படம் முக்கியமான படம் என்று கூறப்படுகிறது.

நியூடெல்லியில் இருந்து சென்னை வரும் ரயிலில் நடைபெறும் விறுவிறுப்பான சம்பவங்களை அடிப்படையாக வைத்து இந்த படத்தின் திரைக்கதையை அமைத்துள்ளார் இயக்குனர் பிரபுசாலமன். இந்த படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருவதாகவும், விரைவில் இந்த படத்தின் இசைவெளியீடு மற்றும் ரிலீஸ் தேதிகள் அறிவிக்கப்படும் என்றும் கூறப்படுகிறது.