ஜெயம் ரவி நடிப்பில் கடந்த வெள்ளியன்று வெளியான 'டிக் டிக் டிக்' திரைப்படம் பாசிட்டிவ் விமர்சனங்களை பெற்று திரையில் ஓடிக்கொண்டிருக்கும் நிலையில் இன்று அதிகாலை அவர் நடித்து வரும் மற்றொரு திரைப்படத்தின் ஃபர்ஸ்ட்லுக் மற்றும் செக்ண்ட் லுக் என அடுத்தடுத்து இரண்டு போஸ்டர்கள் வெளிவந்து அவரது ரசிகர்களுக்கு இரட்டை விருந்தை அளித்துள்ளது.

ஜெயம் ரவி நடித்து வரும் அவரது 24வது படமான 'அடங்கமறு' படத்தின் இரண்டு போஸ்டர்களை ஜெயம் ரவி தனது சமூக வலைத்தள பக்கத்தில் வெளியிட்டு 'இது எனக்கு ரசிகர்களுக்கான இரட்டை விருந்து என்று தெரிவித்துள்ளார். இந்த இரண்டு போஸ்டர்களும் சமூக வலைத்தளங்களில் டிரெண்டில் உள்ளது. இரண்டு போஸ்டர்களிலும் ஜெயம் ரவி ஆக்ரோஷமாக இருப்பதால் இதுவொரு ஆக்சன் படம் என்பது உறுதியாகியுள்ளது.

கார்த்திக் தங்கவேல் இயக்கத்தில் உருவாகும் இந்த படத்திற்கு 'விக்ரம் வேதா' புகழ் இசையமைப்பாளர் சி.எஸ்.சாம் இசையமைக்கவுள்ளார். சத்யன் சூரியன் ஒளிப்பதிவில், ரூபன் படத்தொகுப்பில் உருவாகும் இந்த படத்தை சுஜாதா விஜய்குமார் தயாரிக்கின்றார். இந்த படத்தின் இறுதிக்கட்ட படப்பிடிப்பு நடந்து வருவதாகவும், விரைவில் இந்த படத்தின் டீசர் வெளியாகும் என்றும் படக்குழுவினர் தெரிவித்துள்ளனர்.