பிக்பாஸ் நிகழ்ச்சியின் முதல் ரன்னராக தேர்வு செய்யப்பட்ட ஐஸ்வர்யாவை பிக்பாஸ் முதல் சீசனின் போட்டியாளர்களில் ஒருவரான காயத்ரி ரகுராம் புகழ்ந்துள்ளார். அவர் தனது சமூக வலைத்தளத்தில் 'வாழ்த்துக்கள் ஐஸ்வர்யா, உங்களை நேரில் சந்தித்தவர்கள் மட்டுமே நீங்கள் இனிமையானவர் என்பதை புரிந்து கொள்வார்கள். சிறப்பாக விளையாடிய உங்களுக்கு எனது வாழ்த்துக்கள்' என்று கூறியுள்ளார்.

அதேபோல் பிக்பாஸ் வின்னர் ரித்விகா குறித்து அவர் கூறியபோது, 'நீங்கள் வெற்றி பெறுவீர்கள் என்பது எனக்கு முதல் நாளிலேயே தெரியும். உங்கள் அமைதி எனக்கு அவ்வாறு உணர்த்தியது. மக்கள் உங்களை சரியாக புரிந்து கொண்டு தேர்வு செய்துள்ளார்கள்' என்று கூறியுள்ளார்.

அதேபோல் மூன்றாம் இடம் பிடித்த விஜயலட்சுமி குறித்து காயத்ரி கூறியபோது, 'வைல்ட் கார்டு போட்டியாளராக இடையில் வந்தபோது முழு எனர்ஜியுடன் போராடினீர்கள் வாழ்த்துக்கள்' என்று கூறியுள்ளார்.